Rubrika “ Positive Vibes” në emisionin e pasdites “ IN Traffic” në IN Radio 105.7 ka sjellë vështirësitë që ka hasur aktori i njohur Jim Carrey në jetën e tij, përpara se të bëhej një yll kinematografik.
Emrin e plotë e ka, James Eugene Carrey. Sipas intv.al ai është i njohur për performancat e tij plot energji pozitive.
Por ndoshta nuk dinit disa vështirësi që ka patur ai në jetën e tij, duke filluar nga fëmijëria.
-Kur Carrey ishte 14 vjeç, babai i tij humbi punën dhe familja e tij pati shumë vështirësi. Ata jetuan në një furgon në lëndinën e një të afërmi.
-Në moshën 16-vjeçare filloi një punë ditore prej 10-orësh në nje fabrikë pas shkollës, për të ndihmuar në arritjen e qëllimeve.
-Në moshën 17 vjeç, ai la shkollën për t'u përqendruar në komedi me orar të plotë. Ai u zhvendos në LA më pas .
-Pas sukseseve duke performuar në komedi, ai goditi një super sukses në filmin e njohur komedi “Dumb and Dumber”.
Ju që po e lexoni këtë artikull, ndoshta ju është kujtuar ndonjë pjesë nga interpretimet e tij të shumtë dhe ju ka ardhur papritur për të qeshur. Mirë do bënit, pasi e qeshura të shton jetën, edhe nëse mund të keni shumë probleme, ashtu siç pati edhe ai që na ka bërë për të qeshur me vite, Jim Carrey.
Burimi: Metro
Përshtati: Anisa Bega
15 Apr 2024 
