Reperi Eminem së fundmi me anë të të një postimi në llogarinë e tij në Instagram ka bërë publike listën e këngëve të albumit të tij “Revival”, i cili pritet të përmbajë edhe disa bashkëpunime.

Në albumin e ri disa nga këngëtarët më në zë që pritet të marrin pjesë janë Ed Sheeran, Pink, Alicia Keys, Kehlani ndërsa deri më tani është publikuar vetëm bashkëpunimi me Beyoncen për këngën “Walk on Water.

Këngëtarja Pink ia ktheu borxhin Eminemit për paraqitjen e tij në këngën e saj “Revenge” të albumit “Beautiful Trauma”.

“Revival” është albumi i parë i Eminemit që prej vitit 2013 kur lansoi albumin “Marshall Mathers LP 2”.