Keisi Medini ka trokitur në tregun muzikor shqiptar me talentin e saj. Vajza e të mirnjohurit Sabiani, gjithçka e nisi si një modele, por që mesa duket devijoi dhe ndoqi rrugën e të atit. Ka vetëm pak ditë, që ka publikuar këngën ‘S’ka dashni’ në bashkëpunim me Seldin.

Që nga realizimi i këngës, ata janë përfolur se janë një çift. Mirëpo, vetëm gjatë ditës së djeshme, e ftuar në ‘5 në ftesë’ Keisi tregoi të vërtetën një herë e mirë.

‘Unë Seldin e kam si vëlla. Jemi rritur bashkë. Njihemi që 2 vjeç’, tha bukuroshja.

Gjatë emisionit, teksa komentonte fotot e saja në ekran, moderatorja Bieta Sulo e pyeti Keisin nëse përdorte fotoshop nëpër poza dhe për cilën pjesë të trupit e përdor më shumë.

“Për të gjitha. Tani, jo të gjithë dalim mirë në fotografi, të themi të drejtën. Çdo femër do bëjë pak fotoshop… dhe bëj çdo lloj fotoje të mundshme.”- ka rrëfyer Keisi me shumë çiltërsi.