Jo vetëm të rinjtë, por së fundmi edhe prindërit janë bërë të fiksuar pas teknologjisë. Sapo flenë fëmijët, shumica e prindërve ulen për tu relaksuar dhe një pjesë e madhe prej tyre përdorin pajisjet elektronike.

Sipas një studimi të realizuar nga Universiteti Brigham në Shtetet e Bashkuara, shumica e prindërve shohin filma.
Përkatësisht 81% e nënave dhe 76% e baballarëve.

Studimi tregon se nënat shpenzojnë më shumë kohë se baballarët për të përdorur pajisjet elektronike. 71% e nënave hyjnë në rrjetet sociale, ndërsa 66% e tyre komunikojnë në telefon.

Ndryshe nga nënat, 60% e baballarëve hyjnë në rrjete sociale, si dhe 53% e tyre flasin në telefon.

Ndërkohë trendi për të luajtur video-lojra është i barabartë si tek nënat dhe baballarët. Sipas statistikave 35% e nënave dhe baballarëve luajnë video-lojëra për tu relaksuar.

Pavarësisht se pjesa më e madhe e prindërve i përdorin telefonat për të luajtur apo biseduar, 46% e tyre bëjnë dhe blerje online.