Një video horror e një mashkulli të pushtuar nga një drogë e fuqishme ka lënë të gjithë pa fjalë.

Published in MAGAZINA

Mediat italiane japin detaje tronditëse për operacionin antidrogë të koduar “Triton” ku Guardia di Finanza ka sekuestruar më shumë se 2.2 ton marijuhanë.

Dy trafikantët e drogës ishin nga Vlora, B.B. 42 vjeç dhe J.H. e 31 vjeç, drejtues të motoskafit të fuqishëm që po transportonte ngarkesën e drogës drejt bregdetit italian. Droga kap vlerën e 20 milion eurove.

Mjeti i trafikantëve u pikas nga një helikopter gjerman dhe më pas është arritur nga njësitë detare italiane në brigjet e Gargano. Dy trafikantët u përpoqën t’ia mbathnin dhe i dhanë më shumë shpejtësi mjetit lundrues por droga ka rënë në det.

Kontrabandistët vlonjatë u arrestuan për posedim dhe trafikim ndërkombëtar të drogës dhe materialet u vendosen në dispozicion të gjykatës. Marihuana është konfiskuar e paketuar në 110 pako plastmasi të madhësive të ndryshme të peshës totale 2261.50 kg, raporton immediato.net.

 

Published in INNEWS

Shqipëria ka ndryshuar hartën e tregut të trafikimit të kanabisit në Europë. Sipas Qendrës së Monitorimit Europian për Drogat dhe varësinë nga Drogat, në raportin e publikuar për vitin 2017, vendi ynë është nyje e trafikimit të kanabisit nga Afganistani me vendet evropiane. 

Raporti:
Grupet kriminale shqiptare raportohen të jenë përfshirë në tregtinë e kanabisit afgan, kryesisht në Evropën Lindore dhe Qendrore dhe, nëpërmjet Holandës në Mbretërinë e Bashkuar. Megjithatë, duket se Britania e Madhe gjithashtu merr hashashin afgan direkt nga Azia jug-perëndimore..
Por Shqipëria nuk është vetëm nyjë trafikimi të kanabisit thotë raporti. Sipas Qendrës së Monitorimit Europian për drogat, thuhet se me rritje të trafikut të barit të kanabis është rritur dhe trafikimi i vajit të kanabisit nga Ballkani Perëndimor, veçanërisht Shqipëria.
Ndërkohë duke dhënë një trajektore të grupeve kriminale në raportin e Qendrës së Monitorimit evropian për drogat thuhet se grupet kriminale marokene janë lojtarë kryesorë në ofrimin e barit të kanabisit në Evropë. Ndërsa ata kanë zgjedhur që trafikimin e lëndëve narkotike ta realizojnë në partneritet me organizatat kriminale holandeze dhe ato shqiptare.

Published in INNEWS

Në shtator do të nisë një tjetër aksion i madh kombëtar në mbarë vendin, e që ka të bëjë me evidentimin e më pas konfiskimin e pasurive kriminale. 

Edi Rama:
“Është momenti që Policia e Shtetit të përgatitet për një operacion të madh kombëtar kontrolli të elementëve me rekorde kriminale në gjithë territorin e vendit, që janë simbole të këtyre feudeve të kultivimit të kanabisit, por jo vetëm. Që kanë statusin e të fortit të zonës dhe që në këndvështrimin tim janë lehtësisht të evidentueshëm, lehtësisht të ndjekshëm penalisht dhe lehtësisht të goditshëm, përsa i përket aseteve që kanë në zotërim”.
Rama sqaron arsyet se përse ka vendosur që këtë operacion ta shtyjë në shtator, e që do të nisë me një element shumë të thjeshtë, automjetet që përdorin këta persona
Edi Rama:
“Mjafton që ky operacion, i cili duhet përgatitur me shumë kujdes dhe nuk duhet të bëhet pengesë në këtë fazë kulmore të sezonit turistik për lëvizjen e lirë të turistëve, menjëherë, me përfundimin apo me rënien e fluksit të turistëve, të vihet në zbatim duke kontrolluar automjetet e këtyre personazheve. Mjafton që këta elementë shumë shqetësues për komunitetet, shumë shqetësues për rendin dhe për sigurinë, shumë shqetësues për faktin se mishërojnë pandëshkueshmërinë e më shumë se një çerekshekulli, të vihen para përgjegjësisë për të justifikuar vlerat marramendëse të automjeteve dhe aseteve të tyre, që të bëhet transparencë. Nga kjo transparencë të përgjigjen aty ku duhet përpara prokurorisë dhe gjykatës”.
Për Ramën policia e shtetit e ka shumë të thjeshtë që këtë operacion ta përmbyllë me sukses, pasi emrat e personave apo grupeve kriminale janë të njohur për çdo zonë.
Edi Rama:
“Policia e Shtetit ka gjithë informacionin e duhur. Kujtesa e Policisë së Shtetit është mjaftueshmërisht e pasur me emra, me bëma, me lidhje, me lëvizje të këtyre lloj mikrobeve, që të bëjë të mundur një operacion super të suksesshëm në këtë drejtim, për t’i dhënë një mesazh shumë të qartë komuniteteve, njerëzve të zakonshëm, që koha kur shteti ishte vetëm një alternativë e sigurisë së tyre dhe kur duhet ta kërkonin sigurinë, duke iu paguar renta si biznese, apo duke iu nënshtruar këtyre elementëve, ka marrë fund njëherë e përgjithmonë”.

Published in INNEWS

Ndoshta është e padëgjuar, po një psikolog në burgun e Durrës dyshohet se ishte pjesë e një grupi dhe fuste lëndë narkotike.
Gjatë operacionit ‘Psikologu’ janë arrestuar 3 persona si dhe janë ndaluar dy të tjerë.
Policia e qytetit bregdetar ka sekuestruar 42.5 gr heroinë, 13 gr kokainë, 36 gr kanabis sativa,  2 peshore elektronike, 3 250 € dhe 27 500 lekë të reja dhe 5 telefona celularë në ambjentet e burgut.
Pas një hetimi dy mujor rezulton  se ishte psikologu i burgut dhe një i burgosur të cilët në bashkëpunim me persona të tjerë shpërndanin lëndë narkotike në ambjentet e burgut.
Në pranga kanë rënë 49-vjecari Arjan Belishova psikolog në burgun e Durrësit, 50 vjeçari Astrit Hushi banues në Durrës dhe 32 vjeçari Saimir Zotkaj i burgosur. Ndërsa janë ndaluar Serxhoi Shtjalshi dhe 38 vjeçari, Sodiol Duma.

Published in INNEWS

Më shumë se gjysmë tonelate drogë të llojit të marijuanës është sekuestruar dje në Mynih të Gjermanisë.

Published in INNEWS

115 kilogram kanabis sativa janë sekuestruar nga Policia e Shkodrës, ndërsa në pranga është vënë një 46 vjeçar. Uniformat blu të kryeqendrës së veriut bëjnë të ditur se informacioni është marrë mbi bazën e informacioneve në rrugë operative. Ndërkohe operacioni antikanabis është në vijimësi të kontrolleve të pandërprera në të gjithë territorin. Nga operacioni policor i koduar “Rrethina”, mësohet se është arrestuar në flagrancë shtetasi Margjin Livalli, 46 vjeç, banues në Shkodër.
Njoftim i Policisë:
“Gjatë kontrollit të ushtruar në banesën e këtij shtetasi u gjetën dhe u sekuestruan në cilësinë e provës materiale, 10 thasë ku brenda tyre kishte 87 pako me lëndë të dyshuar narkotike Cannabis Sativa, me peshë totale 115 kilogramë. Materialet i kaluan Prokurorisë së Rrethit Gjyqësor Shkodër për veprime të mëtejshme për veprën penale “Prodhimi dhe shitja e narkotikëve” e parashikuar nga neni 283 i Kodit Penal”.

Published in INNEWS

Kreu i Grupit Parlamentar të LSI-së, Petrit Vasili shkruan për drogën e madhe që është kapur dje e sot në Itali. Me anë të një statusi në Facebook, ai thotë se sasia e drogës që u kap në Itali, që vinte nga Shqipëria, nuk shihet nga policia. Dhe se policia nuk i sheh dhe as si kap trafikantët.

Ja çfarë shkruan Vasili:
Kapen në Itali përsëri qindra kilogramë drogë, që vjen nga Shqipëria. Ministri i Brendshëm e pa nga ajri Shqipërinë dhe tha që nuk ka më drogë. Po kjo drogë, nga na desantoi në Itali? Ustallarët i paskan mbushur magazinat me drogë deri për në fund të shekullit. Policia nuk e sheh e nuk e kap dot drogën, kriminelët dhe trafikantët; s’kanë faj, janë një, janë bashkë, siç ishin edhe më 25 qershor.

Published in INNEWS

Qeveria është angazhuar që brenda viti 2017 do ti jepet fund kultivimit të kanabisit. Në një analizë të situatës për 6 muajt e partë Drejtori i Përgjithshëm i Policisë Haki Çako bëri publike të dhënat mbi asgjësimin e bimëve narkotike por dhe personave të arrestuar.
Haki Çako
• 330 vepra penale
• 152 autor janë zbuluar
• 36 mijë bimë janë asgjësuar
• Proceduar penalisht 71 nëpunës lokal
Në mbledhjen e Zyrës Operacionale të Situatave nuk ka qenë i pranishëm Ministri teknik i demokratëve e në vend të tij ka qenë Zv/ ministria e Brendshme. Ndërkohë mbledhja është drejtuar nga Kryeministri Rama, i cili në fakt ngriti një tjetër shqetësim.
Edi Rama:
“Është i njohur tashmë qëndrimi i punonjësve të policisë ndaj këtij fenomeni. të jenë të pamëshirshëm ndaj çdo elementi që shfaqet pasiv lwre pastaj i përfshirë në mos njoftimin”.

Published in INNEWS
Monday, 30 November -0001 01:00

Tre persona në pranga për drogë

Tre persona janë vënë në pranga e janë kapur 50 kilogramë drogë. Ky është rezultati i operacionit të koduar ‘Kalaja’, ku janë arrestuar 3 krutanë. Policia thotë se në pranga janë vendosur B. Murati, 31 vjeç, D. Murati, 29 vjeç dhe Bashkim Mema, 41 vjeç, të tyre banues në Krujë. Për këta persona është arritur të dokumentohet veprimtaria kriminale e shpërndarjes së lëndëve narkotike në zona të ndryshme të Tiranës. Në rrugën e vjetër Vorë-Rinas policia ka ndjekur automjetin Mercedes Benz, me drejtues Muratin dhe pasagjer B. Memën dhe ku më pas është afruar edhe D. Murati, i cili ishte në drejtim të një automjeti tip Mercedes Benz. Pasi kanë ndaluar ata kanë shkëmbyer automjetet me njeri- tjetrin, ku në ato momente është bërë edhe ndërhyrja nga shërbimet e policisë.

Published in INNEWS
radio TV

Facebook

LIKE Shqip Top 10

poll