Çokollata ka cilësi të panumërta dhe kjo gjë na shkon shumë për shtat, edhe pse më pas “përndiqemi” nga ideja e kilogramëve të tepërt. Çokollata i bën mirë shëndetit nënvizon “Business Insider”, e cila ka listuar 5 arsye të mira për të cilat mund të biem në tundim. Këto arsye të mira janë rezultat i studimeve shkencore.

1. ÇOKOLLATA ËSHTË ANTIOKSIDANT I SHKËLQYER

Dihet që çokollata përmban flavanolë, që favorizojnë oksigjenimin e lëkurës. Por kujdes, është mirë të keni parasysh se ka çokollata e çokollata! Më mirë preferoni çokollatën fondente me të paktën 70% kakao sesa çokollatën me qumësht, plot me sheqer dhe yndyrë. Gjithçka varet edhe nga proceset e prodhimit të çokollatës. Përzgjidhini me kujdes çokollatat që do të konsumoni.

2. KA VEPRIM POZITIV KUNDËR SËMUNDJEVE KARDIOVASKULARE

Si është e mundur kjo? Duke rritur mikrobet e mira të florës së zorrëve. Falë një procesi fermentimi, çokollata zhvillon procese antiinflamatore dhe ul rrezikun e sëmundjeve kardiovaskulare.

3. UL TENSIONIN E GJAKUT

Studiues të shumtë i kanë bazuar studimet e tyre mbi këtë cilësi, duke analizuar në veçanti zakonet e shqyerjes mbi një tribu indianësh të Amerikës Qendrore. Pas studimit ekspertët arritën në përfundimin se këta indigjenë pinin nga 3 deri në 4 filxhanë kakao në ditë, duke përmirësuar tensionin e gjakut. Ka edhe shumë studime të tjera që arrijnë në të njëjtin përfundim.

4. NDIHMON NË LUFTËN KUNDËR RËNIES SË HEKURIT NË GJAK

Çokollata është më e mirë se spinaqi? Një studim tregon se 100 gramë spinaq të pjekur kanë rreth 3.5 mg hekur… në rastin e çokollatës, për këtë racion sasia e hekurit është tri herë më e lartë.

5. ÇOKOLLATA I BËN MIRË HUMORIT

Përveçse dhuron kënaqësi të madhe gjatë konsumimit, çokollata përmirëson edhe gjendjen e humorit. Na bën më të qetë dhe të lumtur.

Published in MED+

Fjala “endorfinë” do të thotë “morfinë brenda trupit”. Endorfinat janë proteina të prodhuara nga hipotalamusi dhe gjendrat e hipofizës. Endorfinat janë të lidhura ngushtë me receptorët opioide të qelizave cerebrale, veçanërisht në talamus dhe në sistemin limbik dhe pengojnë pajisjen e transmetimit nociceptiv (dhimbjet), të sistemit nervor qëndror, që ndikon tek emocionet dhe sjellja.

Me fjalë të tjera, këto kimikate të trurit shkaktojnë një ndjenjë pozitive në trup. Ka disa mënyra që mund të rrisin prodhimin e endorfinës, e quajtur ndryshe “hormon i lumturisë”, që do të na ndihmojë të ndihemi shumë më mirë. Në vijim të këtyre rekomandimeve, ne të gjithë mund të përjetojmë humor të mirë dhe një opinion shumë pozitiv për jetën.

1.QESHNI

E qeshura ju ndihmon në rritjen e imunitetit, zvogëlon hormonet e stresit, prodhon një ndjenjë të mirëqenies dhe, natyrisht, lirimin e endorfinës. Konsideroni këtë: fëmijët qeshin rreth 300 herë në ditë, ndërkohë që shumica e të rriturve qesh rreth pesë herë në ditë. Është koha që ne të rriturit të ngushtojmë këtë hendek.

2. KRYENI MARRËDHËNIE SEKSUALE

Hulumtimet tregojnë se aktet e intimitetit, si prekja, përkëdheljet dhe marëdhëniet ndihmojnë në reduktimin e hormoneve të stresit. Çaste të tilla intime janë thelbësore jo vetëm për një marrëdhënie, por për shëndetin tonë dhe ndjenjën e sigurisë. Për më tepër, intimiteti stimulon lirimin e endorfinës në tru.

3.HANI ÇOKOLLATË

Çokollata është e shëndetshme për zemrën, ul kolesterolin, inflamacionet dhe çon në lirimin e edorfinës. Lajme të tjera pozitive është se ne duhet të hamë vetëm një sasi të vogël, rreth një ose dy porcione të vogla në ditë, për të realizuar këto përfitime.

4.HANI USHQIM ME ERËZA

Përveç lirimit të endorfinës, ushqimi me erëza ndihmon në vrasjen e baktereve dhe rrit funksionin e sistemit imunitar.

5.DËGJONI MUZIKË

Natyrisht, ky efekt është shumë më i theksuar kur dëgjojmë muzikë, që përputhet me preferencat tona.

Published in MED+
Wednesday, 20 September 2017 16:17

Efektet mahnitëse që përfitoni nga uji me limon

Uji me limon në mëngjes është shumë i shëndetshëm. Sapo zgjoheni në mëngjes, trupi ka nevojë të furnizohet me ujë, ndaj është e këshillueshme që ta konsumoni me gjysmë kokrre limon të shtrydhur. Mos pini ujë të ftohtë nga frigoriferi, por nga temperatura e ambientit ose për efekt më të mirë, uji duhet të jetë i vakët. Ka shumë arsye pse duhet ta pini ujin me limon, ndaj kemi përzgjedhur disa përfitime prej tij…

SHËRON INFLAMACIONET

Nëse pini rregullisht ujë me limon, do të minimizoni aciditetin e trupit, që është përgjegjës për inflamacionet. Limoni ndihmon në eliminimin e acidit urik në kyçe, që është një nga shkaktarët kryesorë të inflamacionit në organizëm.

NDIHMON PËR T’U DOBËSUAR

Falë përmbajtjes së lartë me fibra pektini, lëngu i limonit zbut ndjesinë e urisë, sidomos kur ju pëlqejnë ushqimet jo të shëndetshme. Sipas një studimi të botuar në “Journal of American College of Nutrition”, njerëzit që nuk marrin mjaftueshëm Vitaminën C (dhe limoni është i pasur me këtë vitaminë), janë më të prirë për t’u shëndoshur. Me sa duket, Vitamina C ndihmon për të djegur më shumë yndyrna gjatë aktivitetit të rregullt fizik, si: ecja apo lëvizja për të paktën një orë në ditë.

KA EFEKT DETOKSIFIKUES

Limoni ka veprim pastrues, sepse largon toksinat nga trupi, duke i tërhequr si të jetë magnet. Në këtë mënyrë, përmirëson funksionin enzimatik, duke stimuluar mëlçinë për të kryer funksionin e saj “pastrues” për trupin.

FORCON SISTEMIN IMUNITAR

Vitamina C e bën më të fuqishëm sistemin imunitar, është i nevojshëm kur jeni shumë të stresuar dhe stresi konsumon rezervat e trupit me Vitaminë C.

Është një ndihmës shumë i rëndësishëm kundër infeksioneve virale dhe çliron aparatin e frymëmarrjes: përmirëson proceset e cikatrizimit të të gjitha indeve, sidomos ato epiteliale.

PËRMIRËSON TRETJEN

Lëngu i limonit, jo vetëm përmirëson tretjen, duke favorizuar largimin e toksinave nga aparati tretës, por ndihmon në zbutjen e problemeve me tretjen si: urthi, fryrja e stomakut, reflukset.

I DHURON BUKURI LËKURËS

Antioksidantët që gjenden te lëngu i limonit kanë një veprim antimoshë në lëkurën e fytyrës dhe të trupit. Ato luftojnë radikalet e lira, që janë përgjegjëse për plakjen e parakohshme (njollat, rrudhat etj.) duke stimuluar prodhimin e kolagjenit, i cili i mban indet elastike. Gjithashtu, limoni i dhuron lëkurës një ngjyrë rozë dhe i jep fytyrës një pamje plot shëndet.

PËRMIRËSON SHËNDETIN E MISHRAVE TË DHËMBËVE

Shpesh mishrat e dhëmbëve të enjtura dhe me plagë mund të varen nga mungesa e Vitaminës C. Por pasi të pini ujë me limon në mëngjes, mos harroni që të lani dhëmbët, pasi acidi citrik mund të gërryejë smaltin e tyre.

BURIM I SHKËLQYER POTASIUMI

Falë përmbajtjes së lartë me potas, limoni ndihmon të ruani shëndetin e të gjithë organizmit. Mungesa e potasiumit sjell dhimbje muskulare dhe për pasojë atrofi, depresion dhe pagjumësi, dhimbje kockash e kyçesh, lodhje, probleme me kapsllëkun, shqetësime nervore dhe probleme kardiake. Përveç se te limoni, potasin mund ta gjeni edhe në ushqime të tjera si: fasule, spinaq, patate, kajsitë e thata, banane, salmon, avokado, kërpudha, etj.

DHURON ENERGJI

Kur përthithet nga organizmi, lëngu i limonit i dhuron trupit energji, pasi ndihmon edhe në uljen e ankthit dhe të depresionit. Madje, për më shumë përfitime, edhe aroma dhe ngjyra e limonit kanë një efekt qetësues për sistemin nervor.

Published in MED+

Nëse ju ndodh që po shtoni në peshë dhe nuk e kuptoni arsyen, atëherë në këtë artikull po listojmë 5 arsye që lidhen kryesisht me stilin tuaj të jetësës e të cilat shkaktojnë në përgjithësi shëndoshje.

1. Keni stres
Shpesh situatat e ndryshme steesante, të tilla si problemet në çift, një shqetësim familjar, sezoni i provimeve etj, ju bëjnë nervozë dhe ju shkaktojnë të konsumoni ushqim për të larguar stresin. Prandaj mundohuni të kontrolloni ushqyerjen në momentet e nervozizmit

2. E teproni me produktet që përmbajnë hekur
Nëse adhuroni mishin e kuq duhet ta dini se ai ka përmbajtje të lartë hekuri që shkakton shtim në peshë. Mundohuni ta kontrolloni sasinë e tij dhe alternojeni me peshk ose mish të bardhë pule.

3. Nuk keni aktivitet fizik të mjaftueshëm
Mungesa e aktivitet fizik dihet se shkakton mbipeshë, prandaj duhet të merrni masat e duhura, duke ecur në këmbë e duke frekuentuar palestrën apo duke vrapuar në natyrë për të djegur kaloritë e për të mbajtur trupin tuaj në formë.

4. Hani çdo gjë që ju del përpara “në mënyrë të moderuar”
Nëse jeni nga ata persona që nuk e kontrollojnë fare ushqimin që konsumojnë duke menduar se çdo gjë mund të konsumohet “në mënyrë të moderuar”, mbase duhet të rishihni sasinë dhe shpeshtësinë e porcioneve që konsumoni. Ju vërtetë mund të mendoni se pak çokollatë nuk ju bën dëm, por nëse ajo konsumohet shumë shpesh, atëherë patjetër që do të shkaktojë mbipeshë.

5. Jetoni vetëm
Nëse jeni beqar/beqare dhe jetoni vetëm pa prindërit e pa një partner në krah, atëherë ju mund të konsumoni shpesh ushqime të thata e të shpejta, të cilat kanë shumë yndyrë e nuk ju bëjnë jo vetëm mirë për shëndetin, por edhe shkaktojnë shtim në peshë. Në këtë situatë mundohuni të gatuani më shpesh në shtëpi apo të porosisni gatime shtëpie në vend që të konsumoni pica, hamburgera apo ushqime të tjera të shpejta.

Published in MED+

Nëse sapo keni mbaruar stërvitjen apo keni ngrënë një hamburger me shumë qepë dhe salcë me hudhra, gjasat janë që të kundërmoni një erë të shpifur, që vihet re sapo hyni në dhomë. Në shumë raste, një dush i shpejtë, hedhja e një deodoranti apo larja e dhëmbëve mund t’ju shpëtojë nga kjo situatë e sikletshme. Por, në raste të tjera nuk është kaq e thjesht. Kjo sepse era e trupit mund të jetë edhe një shenjë paralajmëruese e ndonjë sëmundje. Sipas një studimi suedez, disa sëmundje mund të prodhojnë një erë të veçantë, shumë të shpifur. Këto 5 aroma të trupit nuk duhet t’i injoroni kurrsesi, pasi paralajmërojnë për një problem serioz të shëndetit.

FRYMË ME SHIJE FRUTASH TË KALBURA (ACID) – SIMPTOMË E DIABETIT

Nëse fryma juaj ka erë të ngjashme me frutat e kalbura në acid, mund të vuani nga një formë e diabetit e quajtur ketoacidosis diabetik (DKA). Kjo është më e shpeshtë tek njerëzit që vuajnë me diabet të tipit 1, por nuk përjashtohen as ata me diabet të tipit 2. Ja çfarë ndodh në këtë rast: Trupi nuk krijon energjinë e nevojshme për të funksionuar siç duhet, prandaj fillon të zbërthejë acidet yndyrore për energji. Kështu formohen substanca kimike acidike të quajtura ketone në gjak. Një nga acidet kryesore, aceton (i njëjti përbërës që gjendet tek heqësi i manikyrit tek thonjtë) mund të lërë një aromë acidi apo fruti të kalbur në frymëmarrjen tuaj. Mund të mos e vëreni atë, derisa dikush t’jua diktojë. Ndërsa mjekët mund ta nuhasin menjëherë.

ERË TË KEQE TË KËMBËVE: INFEKSION MYKOTIK I KËMBËS

Nuk largohet era e keqe e këmbëve edhe pse i lani këmbët dhe i ndërroni çorapet shpesh? Duhet të fajësoni infeksionet fungale. Nëse lëkura përreth gishtave është e thatë, e plasaritur, e skuqur apo me flluska, mund të keni infeksion mykotik të këmbës. Kjo shkaktohet nga bakteret dhe myku i formuar në lëkurë dhe gishtat e këmbëve, si pasojë e lagështirës.

JASHTËQITJA ME ERË TË RËNDË – SIMPTOMË E INTOLERANCËS USHQIMORE

Në rastet kur zorra e hollë nuk prodhon mjaftueshëm sasi të një enzime të quajtur laktazë, ajo nuk mund të tresë laktozën, një lloj sheqeri që gjendet tek produktet e qumështit, shkruan Shendeti. Prandaj, zorra e hollë e kalon laktozën direkt në zorrën e trashë, në vend të qarkullimit të gjakut, dhe fermentohet nga bakteri i zorrës. Kështu mund të shkaktohet era e rëndë tek jashtëqitja, fryrja e barkut dhe gazra me erë të keqe.

ERA E RËNDË E URINËS – SIMPTOMË E NJË INFEKSIONI URINAR

Infeksionet e traktit urinar mund të shkaktojnë një erë të rëndë dhe shumë të keqe të urinës. Kjo ndodh pasi bakteret, sidomos bakteri E. coli, hyn në traktin urinar dhe uretrën. Më pas ato shumëfishohen në fshikëzën e urinës.

ERA E KEQE E GOJËS – APNEA E GJUMIT

Nëse ju vjen erë e keqe nga goja çdo mëngjes, edhe pse i lani dhëmbët rregullisht, mund të sinjalizojë për probleme me frymëmarrjen gjatë gjumit. Në këtë rast merrni frymë me gojë dhe jo me hundë, dhe shkakton tharje të gojës dhe gërhitje. Është mirë që apnea e gjumit të diagnostikohet herët, pasi lidhet me sëmundje të tjera, si diabet tension i lartë i gjakut dhe sëmundje të zemrës.

Published in MED+

Në bazë të profesionit është e mundur, në fakt, të zgjidhni një dietë të tillë, në mënyrë që ushqimi të japë energjinë e nevojshme për të mund të përballuar gjithë ditën. Këtë e pohon serena missori, specialiste në endokrinologji dhe regjim ushqimor në universitetin “La Sapienza” në Romë. Më poshtë vijojnë këshillat e saj për një regjim ushqimor në bazë të punës që bëni, duke mos harruar edhe disa këshilla kundër stresit, duke nisur me një aleat që nuk vihet në dyshim, bajamet.

Njerëzit që punojnë në zyra

Ata kalojnë shumë kohë pa lëvizur. Për pasojë kanë tendencë në moseliminimin e ujit në këmbë, gjë që sjell fryrje të kyçeve të këmbëve dhe dhimbje në pjesën e prapme të gjunjëve. Kanë një tretje të ngadaltë për shkak të pozicionit dhe lëvizjeve të pakta, shpesh kanë mpirje të qafës dhe shpatullave për shkak të qëndrimit të detyruar. Këshillohet të pinë çaje bimorë dhe dezintoksikues, si dhe të hanë gjatë drekës ushqime jo të rënda, të përbëra nga drithëra integrale, proteina të thjeshta dhe barishte me gjethe të vogla për një tretje më të lehtë, të shoqëruara me vaj ulliri ekstra të virgjër dhe fara linoje të pasura me yndyra omega 3 antiimflamator.

Ata që punojnë me turne

Ata që kanë një punë me turne, si p.sh., mjekët, infermierët, shoferët (taksistët, kamionistët), pilotët, duhet të hanë edhe gjatë turneve të natës, të paktën çdo 3-4 orë, për të pasur energji të mjaftueshme dhe për të mos pasur rënie të fuqisë, për të luftuar lodhjen dhe stresin. Këshillohet thyerja e urisë me ushqime që përmbajnë proteina, karbohidrate dhe lipide. Në këtë mënyrë, organizmi do t’i tretë lehtësisht këto ushqime dhe ju jep mundësinë ta zhvilloni më së miri punën tuaj. Në fund të turnit, konsumoni një mëngjes të bollshëm, mundësisht të kripur, të pasur me fruta, perime, drithëra integrale dhe proteina dhe përpiquni të çlodheni së paku për dy orë për të ulur prodhimin e hormoneve të stresit, para se të rifilloni aktivitetet e mëtejshme.

Shtëpiaket

Ato bëjnë punët më të lodhshme fizikisht, me konsum të lartë kalorish. Megjithatë rrezikojnë të shtojnë në peshë për shkak të vakteve të çrregullta, si për aspektin e kohës, si për sasinë. Shpesh hanë ndërkohë që gatuajnë apo përfundojnë ushqimet e lëna në pjata nga fëmijët e tyre. Këshilla është që të shmangni matjen me sy dhe të keni gjithnjë parasysh sasinë e ushqimeve për të cilën ka nevojë çdo pjesëtar i familjes në mënyrë që të mos mbeten. Ato nuk duhet ta shmangin mëngjesin, por ta konsiderojnë si vaktin kryesor të ditës dhe ta bëjnë të pasur me fibra, karbohidrate, proteina dhe yndyra të shëndetshme. Mundësisht të hanë herë pas here fruta të freskëta të stinës dhe vaktet këshillohet që të përmbajnë proteina të lehta dhe perime barishtore.

Profesionistët e pavarur

Shpesh vuajnë nga stresi. Kanë tendencën të shmangin vaktet dhe të hanë kur munden, duke mos respektuar oraret, vuajnë nga pagjumësia, janë vazhdimisht në gjendje nervozizmi e gjithmonë të shqetësuar për performancën e tyre, shkruan Shije. Dieta e tyre duhet të jetë rigoroze: mëngjesi duhet të jetë i pasur me vlera ushqyese që t’u sigurojë një qëndrueshmëri të rezervave të energjisë për të përballuar pjesën më të madhe të ditës, ndërsa darka duhet konsumuar ngadalë e qetësisht, mundësisht para orës nëntë. Mëngjesi duhet të jetë i bollshëm, por me ushqime cilësore, mundësisht konsumoni gjërat e kripura (jo të ëmbla). Në drekë zgjidhni sallata të ndryshme, ndërsa në darkë supa të ngrohta ose të ftohta me bishtajore (fasule, thjerrëza, bizele, etj.), barishtore ose drithëra integrale, mish ose peshk të freskët. Për të luftuar stresin dhe për të fjetur mirë këshillohen suplementet me melatoninë, po ashtu edhe bajamet të pasura me magnez, që është si një qetësues. Çaji me murriz në darkë këshillohet për të qetësuar gjendjen e ankthit dhe stresit të grumbulluar gjatë ditës.

Published in MED+

Ushqimi që konsumojnë ka një impakt të madh në trupin tonë dhe shëndetin e përgjithshëm. Megjithatë, ekspertët kanë treguar se më shumë se ushiqmi është koha kur hamë që ndikon më tepër. Edhe pse shumë prej nesh hanë ekstremisht shëndetshëm, studimet thonë se nuk ka asnjë efekt nëse e konsumojmë vaktin shumë afër orarit për gjumë apo kur kalon shumë kohë nga një vakt tek tjetri.
E gjita lidhet me metabolizmin dhe tretjen e ushqimit.

Pavarësisht se në internet mund të gjeni plane dhe dieta se sa dhe kur duhet të hani, asnjë mund mund të merret parasysh pasi secili prej nesh ka një program të ditës ndryshe.
Metabolizmi jonë ndikohet nga ora e trupit. Për disa, kjo orë është standarte nga nata në ditë. Por për ata që punojnë në turnin e natës nuk është aq e thjeshtë.
Atëhere kur duhet të hani?

Nëse zgjoheni në orën 07:00 dhe shkoni në shtrat rreth orës 11:00
Mëngjesi: 08:00
Dreka: 12:00
Midis vaktesh: 15:00/16:00
Darka: Jo më vonë se 20:00

Nëse zgjoheni në orën 10:00 dhe shkoni në shtrat rreth orës 2:00
Mëngjesi: 11:00
Dreka: 15:00
Midis vaktesh: 18:00/19:00
Darka: jo më vonë se 22:00

Nëse zgjoheni në orën 12:00 dhe shkoni në shtrat rreth orës 04:00
Mëngjesi: 13:00
Dreka: 17:00
Midis vaktesh: 20:00/21:00
Darka: Jo më vonë se 01:00

Published in MED+
Monday, 11 September 2017 18:43

Bëni kujdes! Këto ushqime po ju plakin

Plakja është e pashmangshme, por nuk duhet të nxitoni që të plakeni para kohe. Problemi është se ka një numër marramendës ushqimesh dhe pijesh, të cilat i konsumojmë çdo ditë dhe që përshpejtojnë procesin e plakjes…

Ushqimet që nuk duhet të konsumoni së tepërmi:

Kripa: Përbërësi kryesor i saj është natriumi, i cili bën që të mbani ujë në trup dhe shkakton fryrje. Për të reduktuar efektin, thjesht përpiquni të provoni ose të përdorni diçka më pak të thatë, që përmban kafeinë.

Alkooli: Ndikon në sjelljet e gjumit, duket bërë që rrudhat të shfaqen më herët dhe humbja e njëtrajtësisë në tonin e lëkurës. Por më e rëndësishmja është se toksinat që përmban mund të zënë vend në mëlçi dhe të shkaktojnë probleme të lëkurës, si: akne dhe sigurisht edhe rrudha.

Pijet energjike: Aciditeti heq dhe gërryen smaltin e dhëmbëve, kështu që ato njollosen më lehtë. Në vend të pijeve energjike përdorni ujë.

Ushqimi i djegur: Është mirë që t’i hidhni ushqimet e djegura gjatë gatimit, pasi përmbajnë hidrokarbone proinflamatore, të cilat prishin kolagjenin.

Ushqimi pikant: Ky lloj ushqimi e acaron lëkurën, duke shkaktuar skuqje dhe irritim. Te femrat në menopauzë, erëzat zgjerojnë enët e gjakut, duke bërë që lëkura të duket e mbushur me njolla dhe më e plakur.

Çaji i zi: Përmbajtja e tij e pasur në taninë është armiku më i keq për dhëmbët, duke shkaktuar njolla, kështu që është mirë që këtë lloj çaji ta konsumoni me qumësht.

Published in MED+

Me termin meteoropatia nënkuptojmë praninë e një sërë shenjash negative, të natyrës psikologjike, fiziologjike, të lidhura me një sërë kushtesh klimatike (si për shembull, presioni atmosferik, temperatura e ajrit, lagështira, sasisë e reshjeve, koha me diell, intensiteti i erës) në një hark të shkurtër kohor apo bazuar tek alternimet e ndryshme stinore.

Ekziston në fakt një lidhje e drejtpërdrejtë dhe proporcionale ajo mes mirëqenies apo pafuqisë psikofizike si pasojë e shumë ndryshimeve klimatike dhe temperaturës, në mënyrë që studimi të vërtetojë dhe të çojë në atë që njihet me shpikjen e termit “meteoropathy” një problem i ri psikofizik, i lidhur me ndryshimin e kushteve atmosferike (nga “meteoros” greqisht apo “që qëndron lart në ajër” dhe “patos”, që do të thotë “sëmundje”).

Që nga lashtësia kjo sindromë ishte e njohur. Ajo përcillej me ndikimin që kishin ndryshimet klimatike dhe stinët, të cilat sipas ekspertëve mund të ndikojnë në njëfarë mënyre negativisht në shëndetin e individit. Dhe është e kuptueshme që çdo shpjegim teorik, vitet e fundit është i përhapur në mënyrë të ndjeshme në praktikë, duke pasur parasysh ndryshimet gjithnjë e më të mëdha të klimës, stinëve dhe ngrohjes globale në pothuajse çdo pjesë të tokës, që për fat të keq, janë gjithnjë e më shumë në dëm të ekuilibrit psikofizik të njerëzve.

Në këtë mënyrë, përkeqësimi i formave shprehëse të klimës ka sjellë dhe sjell me vete një numër gjithnjë e më të madh të çrregullimeve psikofiziologjike. Prandaj shiu, dielli, era, etj., me frekuencë dhe intensitet të lartë, korrespondojnë me shfaqjen e problemeve të caktuara mendore dhe fizike.

Ndryshimet intensive dhe të papritura të motit, duke rezultuar në të ftohtin ekstrem, stuhitë e papritura, nxehtësisë intensive, erën e fortë, etj., kërkojnë të ashtuquajturin “ambientim”, një kompleks me të vërtetë psikofizik dhe i kushtueshëm për shumë pajisje jetësore të tilla si: sistemi nervor, kardiovaskular, hormonal dhe i mushkërive.

Trupi tenton ekuilibrin e të gjithë komponentëve dhe funksionet e tij kur ai gjendet në vështirësi serioze, të tilla si tërmeti, ku jo gjithmonë dhe menjëherë është në gjendje të reagojë për të rifituar funksionimin normal të tij.

E gjithë kjo sjell më pas paraqitje të problemeve neuropsikike, të cilat mund të zgjasin disa ditë. Ato mund të shfaqin: dhimbje koke, ankth, shqetësim, lodhje të tepruar, stres, nervozizëm, pagjumësi, tensioni, agjitacion, apati, depresion, luhatje të humorit etj./psikologjia/

Published in MED+

Shenja juaj e horoskopit thotë shumë për ju dhe këtu nuk bën përjashtim as ushqimi.

Prandaj në këtë artikull po ju sjellim disa këshilla si të ushqeheni shëndetshëm dhe se çfarë lloj diete apo rregjimi ushqimor duhet të ndiqni në përputhje me shenjën tuaj zoodiakale, në mëyrë që mos të shtoni në peshë dhe të arrini linjat tuaja ideale.

DASHI (21 Mars – 20 Prill)

Për shenjën e Dashit rekomandohet konsumimi sa më i shpeshtë i lakrës, panxharit të kuq, rrepës, karrotës dhe selinosë. Gjithashtu edhe jeshillëqet juve ju bëjnë shumë mirë, të tilla si: majdaonozi, koperi dhe qepa e njomë. Ndërsa përsa i përket mishit, më i përshtatshëm për shenjën tuaj janë mishi i kecit dhe i qengjit. Ndërsa nga frutat më të mirat për ju janë qitroja dhe bostani. Ndërkohë duhet të hiqni dorë nga vaktet e vona në mbrëmje, të kufizoni kafen dhe gjithashtu të mos konsumoni të kripura dhe të yndyrshme.

DEMI (21 Prill – 20 Maj)

Demat në përgjithësi duan të ushqehen mirë dhe në mënyrë sa më të shijshme. Për shenjën tuaj rekomandohet të hani më ngadalë dhe në porcione më të vogla. Juve ju rekomandohet të konsumoni ushqime të pasura me vitaminat A dhe D si dhe të pasura me jod. Perimet që nuk duhet tju mungojnë janë: spinaqi, domatet dhe bizelet ndërsa frutat që ju bëjnë më mirë janë: mollët, bananet, avokado, pjeshkët, dhe frutat e pyllit. Juve ju lejohet edhe përdorimi i erëzave, sidomos në gatimet e mishit të viçit, i cili ju bën edhe mirë.

BINJAKËT (21 Maj – 20 Qershor)

Për të lindurit e shenjës së Binjakëve rekomandohet konsumimi i vezëvë, djathit, arrave dhe gjizës, të cilat kanë përfitime për shëndetin tuaj. Ndër perimet nuk duhet tju mungojnë në tavolinë lakra e kuqe, selinoja dhe barbunjat. Ndërsa përsa i përket frutave, më të përshtatshmet për ju janë pjeshka, shega, kumbulla e zezë dhe rrushi i thatë. Në lidhje me mishin më mirë për ju bën pula dhe duhet të kufizoni mishin e kuq.

GAFORRJA (21 Qershor – 22 Korrik)

Shenjës së Gaforres i rekomandohet të konsumojë sa më tepër ujë dhe lëngje gjatë ditës si dhe të mos e teprojë me ushqimet e kripura dhe ato pikante. Ndër perimet më të rekomanduara për ju janë lakra, patatet dhe kastraveci. Ndërsa jeshillëqet konsumojini pa kufizim, pasi ju ndihmojë në pastrimin e organizmit dhe janë të përshtatshme për shenjën tuaj. Lidhur me frutat ju këshillohen kokosi, rrushi dhe bostani.

LUANI (23 Korrik – 22 Gusht)

Për shenjën e Luanit rekomandohet konsumimi i mishit të pulës dhe duhet hequr dorë nga mishi i kuq. Ndër perimet më të mira për këtë shenjë janë ullinjtë, kungujt dhe patëllxhanet. Ndërsa ndër frutat që rekomandohen më tepër janë ananasi, portokallet dhe mandarinat. Gjithashtu konsumoni sa më shumë produkte të pasura me vitaminat C dhe E, për të cilat ka nevojë organizmi juaj.

VIRGJËRESHA (23 Gusht – 22 Shtator)

Virgjëresha është në përgjithësi një shenjë që kujdeset shumë për trupin dhe linjat e veta. Prandaj, për të qënë në formë sa më të mirë ndër frutat rekomandohen pjeshkët, shega, mollët, si dhe gjithashtu sa më shumë jeshillëqe të freskëta.Përsa i përket mishit, ju këshillohet të konsumoni vetëm mishin e viçit. Ndërsa në lidhje me perimet rekomandohen bizelet, lakra, sallata dhe selinoja. Ndërsa nga pikantet është më mirë të hiqni dorë.

PESHORJA (23 Shtator – 22 Tetor)

Për të lindurit e shenjës së Peshores, të cilët në përgjithësi i duan shumë të ëmblat, ka ardhur koha të heqin dorë nëse duan të jenë në formë sa më të mirë. Në vend të ëmbëlsirave konsumoni fruta të tilla si: banane, ananas , fruta pylli, qershi, pjeshkë dhe hurma, të cilat janë të pasura me shumë vitamina dhe ju japin energji. Përsa i përket mishit, ai nuk është shumë i përshtatshëm për shenjën tuaj dhe nëse doni të bini në peshë, atëherë harrojeni mishin për pak kohë ose bëhuni vegjetarianë. Për perimet nuk ka kufizime për ju, mund ti konsumoni sa më shumë.

AKREPI (23 Tetor – 21 Nëntor)

Për Akrepin rekomandohet konsumimi i peshkut dhe i prodhimeve të ndryshme të detit. Gjithashtu ju rekomandohet të konsumoni ushqime të pasura me vitamina B, C dhe E. Përsa i përket frutave për ju janë shumë të mira fruatat si kivi, portokalli dhe qitro. Ndërsa nga perimet: karrotat, specat dhe rrepat. Gjithashtu nëse doni të jeni në formë duhet të kufizoni kripën dhe pikantet.

SHIGJETARI (22 Nëntor – 21 Dhjetor)

Për shenjën e Shigjetarit janë shumë të përshtashme dhe nuk krijojnë kompikacione lakra, artiçoka por edhe fasulet, thjerrëzat dhe qiqrat. Përsa i përket mishit, atë duhet ta shmangni sa më shumë të mundeni dhe si opsion alternativë për shenjën tuaj është mishi i sojës. Ju mund të konsumoni pa kufizim çdo lloj jeshillëqesh, ndërsa nga frutat shijoni mangon dhe hurmat arabe pasi ato nuk ju shëndoshin.

BRICJAPI (22 Dhjetor – 19 Janar)

Ushqimi i Bricjapit duhet të jetë sa më i pasur me hekur, fosfor, kalcium dhe proteina. Përsa i përket mishit, më tepër i rekomandueshëm për shenjën tuaj është mishi i viçit. Ndërsa nga perimet patëllxhanet, specat dhe rrepat. Jeshillëqet gjithashtu nuk duhet të mungojnë nga tavolina juaj, sidomos spinaqi dhe rukola.Ndërsa nga frutat, ju rekomandohen më tepër frutat e pasura me vitaminë C.

UJORI (20 Janar – 18 Shkurt)

Për Ujorin këshillohet konsumimi i rregullt i vakteve duke eleminuar brumrat me miell të bardhë. Ideale për ju janë drithërat e plota integrale, të shoqëruara me bulmet natyral pa shumë yndyrë. Përsa i përket perimeve, ju rekomandohen patëllxhanet dhe panxhari i kuq, ndërsa nga frutat mund të konsumoni pjepër pa e kufizuar veten. Githashtu shumë mirë për ju janë edhe jeshillëqet dhe erëzat e freskëta.

PESHQIT (19 Shkurt– 20 Mars)

Për të lindurit e shenjës së peshqve rekomandohet konsumimi sa më shumë i prodhimeve të detit dhe eleminimi i mishit të kuq dhe të bardhë për një formë sa më perfekte trupore. Ndër erëzat më të dobishme për ju janë: estragoni, kerri, speci chilli dhe kumina. Përsa i përket frutave ju këshillohen frutat tropikale, si mango, ananasi, avokado etj. Ndërsa ndër perimet me shumë vlera për ju janë artiçoka dhe perimet e tjera të gjelbërta si: barbunjat, bizelet, etj. Duhet të hiqni dorë nga të skuqurat dhe të konservuarat.

Published in MED+
radio TV

Facebook

LIKE Shqip Top 10

poll