Ndërsa zbatimi i Reformës në Drejtësi është jetik për vendin dhe ecurinë drejt bashkimit Europian, Instituti i Studimeve Politike ka ngritur alarmin. Nëpërmjet një statusi në facebook Instituti i Studimeve Politike denoncon me shqetësim se brenda listës së anëtarëve të komisioneve të Vettingut ka edhe raste flagrante përfshirë edhe shkelje të dukshme të Kushtetutës së vitit 2016. Instituti nuk ka nguruar as të sjellë emra konkretë. Në statusin e tij Instituti i Studimeve Politike përmend emrin e Pal Shkambi i cili ka qenë për vite më radhë kryetar i Partisë Popullore Kristiandemokrate.
Instituti i Studimeve Politike thotë se në shtator të ketë një raport të detajuar për rastet dhe problematikat e detajuara.
Postimi i plotë i Instituti i Studimeve Politike:
“Reforma në drejtësi drejt jetësimit? Po. Janë ngritur komisionet e vetingut, janë zgjedhur drejtuesit kryesorë dhe në shtator nis procesi i vetingut për kandidatët në nivelet e larta gjyqësore.
Cili ishte argumenti kryesor i reformës në drejtësi? Do të kishim gjyqtarë e ekspertë të pavarur, do të kishim procese vendimmarrëse transparente, do të zgjidhnim më të mirët dhe më të ndershmit, do ti japim fund abuzimeve me Kushtetutën dhe ligjin!
Premtim shumë më i madh e më i rëndë sesa pesha që autorët e reformës mund të mbanin mbi supe!
Tani që kemi të zgjedhur komisionet e vetingut, – Komisionin e Pavarur të Kualifikimit dhe Kolegjin e Apelimit, – mund të kemi një ide për procesin dhe integritetin e tij.
Ka emra të mirë, ka emra profesionistë, ka prurje të reja, – por brenda listës ka edhe raste flagrante përfshirë edhe shkelje të dukshme të Kushtetutës së vitit 2016.
Le të ofrojmë sot një shembull konkret. Sipas Kushtetutës, aneksit mbi reformën, “anëtarët e Komisionit dhe gjyqtarët e Kolegjit të Apelimit kanë arsim të lartë juridik dhe jo më pak se 15 vjet përvojë si gjyqtar, prokuror, lektor i së drejtës, avokat, noter, jurist i nivelit të lartë në administratën publike, ose në profesione të tjera ligjore që lidhen me sistemin e drejtësisë.
Kandidatët për anëtarë të Komisionit dhe gjyqtarë të Kolegjit nuk duhet të kenë qenë gjyqtarë, prokurorë ose këshilltarë ligjorë apo ndihmës ligjorë gjatë dy vjetëve të fundit përpara kandidimit.
Kandidatët nuk duhet të kenë mbajtur funksione politike në administratën publike dhe funksione drejtuese në partitë politike gjatë 10 vjetëve të fundit përpara kandidimit
Në fakt, Komisioni Ad-Hoc parlamentar për përzgjedhjen e Komisionit të Pavarur të Kualifikimit ka votuar dhe zgjedhur një emër, – Pal Shkambi.
Zoti Shkambi ka qenë për vite më radhë kryetar i Partisë Popullore Kristiandemokrate. Ai është regjistruar së fundi (2015) edhe në zgjedhjet lokale në Shqipëri.
Sipas Kushtetutës ai nuk duhej të kishte funksione drejtuese në partitë politikë në 10 vitet e fundit, pra përpara vitit 2007.
Me këtë klauzolë, – pra kufizimin me 10 vite, kanë përfituar anëtarë të tjerë të komisionit, përfshirë ish zv/ministri i drejtësisë S.Ç dhe disa emra të tjerë.
Kurse në rastin e zotit Shkambi kemi të bëjmë publikisht dhe qartësisht me shkelje të Kushtetutës, – të Kushtetutës që miratuam vetëm një vit më parë.
Vendimi është marrë nga parlamenti (komisioni ad-hoc) ku bëjnë pjesë deputetët e partive kryesore politike dhe ka gjetur miratim nga organet e mëparshme verifikuese dhe në fund edhe nga OMN, Operacioni Ndërkombëtar i Monitorimit!
Shumë kohë përpara procesit të përzgjedhjes së strukturave të Vetingut, Instituti i Studimeve Politike i dërgoi letër zyrtare Kuvendit, Komisionit të Ligjeve, OMN, dhe Euralis, – duke paralajmëruar pamundësinë ligjore të verifikimit të strukturave partike në 10 viteve të fundit dhe spekulimeve që do të krijohen nga emra të vecantë në kandidim dhe në promovim.
Nuk morëm përgjigje. Asnjëherë. Edhe pse na ishte premtuar privatisht e zyrtarisht se do të kishte përgjigje për cdo mendim e sugjerim dhe se procesi do të ishte model për transparencën publike…:(((
Çështja është kaq e thjeshtë: si është e mundur që për një procedurë kaq të rëndësishme të ndiqet standard kaq minimal, të shkelet Kushtetuta dhe të injorohen fakte publike? A është kjo një devijim nga parimet kushtetuese dhe parimet e reformës apo një gabim konsensual i partive dhe OMN?
Si është e mundur që asnjë palë politike nuk flet, asnjë grupim asistues në proces nuk flet, asnjë media nuk e raporton skandalin dhe që gjërat absurde vijojnë të na ofrohen si procese normale, madje novative?
Nuk është shqetësim as emri i cituar dhe as roli i tij i mundshëm në Komision.
Shqetësim është devijimi nga parimi dhe Kushtetuta, devijimi nga standardi, dhe bashkë me to, paralajmërimi se edhe për të tjerë mund të ketë sisteme paralele vlerësimi e promovimi, – standarde të dyfishta, pse jo, edhe standarde “për Shqipërinë”.
Nëse lexohet CV reale e një pjese të zgjedhur tashmë komisionerë, – nga gjyqësori, nga bota akademike, nga shoqëria civile apo nga profesione të tjera, – nuk është e vështirë të konstatohet se kanë arritur të kalojnë vetingun dhe kështu, të drejtojnë procesin e vetingut për të tjerët edhe individë me rekorde negative profesionale dhe ligjore.
Në shtator ISP do të ketë një raport të detajuar për rastet dhe problematikat e detajuara.

Published in INNEWS

Vetëm një ditë pasi Kodi i Procedurës Penale hyri në fuqi, Unioni i Prokurorëve dorëzoi në Gjykatën Kushtetuese padinë për shfuqizimin e disa neve të ligjit. Në argumentimin për shfuqizimin e plot 20 neneve të Kodit Penal, unioni ngre shqetësimin se kodi i ri kufizon funksionin dhe kompetencat kushtetuese të prokurorisë për ushtrimin e ndjekjes penale.
Në padi renditen të paktën 7 nene të Kodit të Procedurës Penale që, sipas prokurorëve, shkelin hapur Kushtetutën duke i kaluar kompetencat e prokurorit për ndjekjen e çështjes penale tek gjykata.
Ligji i ri i jep të drejtë prokurorit të pushojë çështje vetëm për kundravajtje penale dhe i jep gjykatës kompetencën, sipas unionit, antikushtetuese, për të gjykuar kërkesën e prokurorit për pushimin e akuzës apo për dërgimin në gjyq të çështjes për krimet. Unioni thotë në padinë drejtuar Gjykatës Kushtetuese se "heqja e ekskluzivitetit të organit të Prokurorisë në ushtrimin e ndjekjes penale përbën shmangie të këtij organi nga ushtrimi i veprimtarisë së tij kushtetuese, duke cënuar edhe parimin e ndarjes dhe balancimit të pushteteve”.
Megjithëse Kodi i Procedurës Penale nuk është një nga 7 ligjet bazë të reformës në drejtësi, ai është një ligj bazë për veprimet e prokurorëve dhe gjyqtarëve në dhënien e drejtësisë.
Aktualisht, Gjykata Kushtetuese ka në proces edhe 3 ligje të tjera të reformës në drejtësi, ku më i rëndësishmi është ai i “vetting”-ut, pasi gjyqtarët kërkojnë të shpallin antikushtetuese pjesën e kontrollit të figurës së njerëzve të drejtësisë.

Published in INNEWS

Shtatë zyrtarë të sistemit të drejtësisë kanë dhënë dorëheqjen, duke u larguar nga detyrat e tyre para nisjes së zbatimit të vetingut. Burime nga Presidenca bënë me dije se pranë këtij institucioni janë dorëzuar shatat dorëheqjet. Prokurori i vetëm i dorëhequr është Sulejman Tola, i Prokurorisë së Rrethit Krujë. Ai dha dorëheqjen nga detyra në fillim të vitit 2017, në momentin e dorëzimit të formularëve të vetëdeklarimit në ILDKPKI, duke qenë se për pak muaj dilte në pension. Ndërkohë dorëheqjen e kanë dorëzuar edhe tre gjyqëtarë, Ilir Çeliku i Gjykatës së Apelit Vlorë, Ilir Pashaj i Gjykatës së Shkallës së Parë Elbasan dhe Mirela Fana, gjyqtare pranë Gjykatës së Lartë. Po kështu, gjatë kësaj kohe, nga Gjykata e Lartë kanë dhënë dorëheqjen edhe dy këshilltarët ligjorë: Eritan Shehu dhe Adnand Berdica, si dhe ndihmësja ligjore Etleva Sherifi. Bazuar në nenin 56 të ligjit të rivlerësimit, gjyqtarët dhe prokurorët mund të jepnin dorëheqjen brenda tre muajve pas hyrjes në fuqi të ligjit, afat i cili ka përfunduar. Këta persona të dorëhequr u mendua se i shpëtonin vettingut, përfshirë edhe hetimit pasuror, profesional dhe të lidhjeve me krimin. Mirëpo, një gjë e tillë nuk qëndron, pasi nëse kanë kryer vepër penale me fshehjen apo mosdeklarimin e pasurisë së tyre, ata do të ndiqen penalisht. Procedurat e vetingut kanë nisur ndërkohë për rreth 800 gjyqtarë e prokurorë, ndërsa dorëheqjet nuk lejohen më sipas ligjit. Të gjithë funksionarët e drejtësisë tashmë do t’i nënshtrohen procesit të rivlerësimit pa të drejtë dorëheqjeje gjatë procesit. Ka qenë kjo pikë e ligjit të cilën Unioni i Gjyqtarëve e ka ankimuar në Gjykatën Kushtetuese, duke kërkuar që e drejta e dorëheqjes të jetë në çdo moment.

Dorëheqjet
Sulejman Tola, prokuror, Krujë
Ilir Çeliku, gjyqtar Apeli, Vlorë
Ilir Pashaj, gjyqtar, Elbasan
Mirela Fana, Gjykata e Lartë
Eritan Shehu, këshilltar ligjor, Gjykata e lartë
Adnand Berdica, këshilltare ligjore, Gjykata e Lartë
Etleva Sherifi, ndihmëse ligjore, Gjykata e Lartë

Published in INNEWS

Duket se Shukri Xhelili nuk i ka mbyllur çështjet me drejtësinë shqiptare. Mësohet se ish kreu i bashkisë së Peshkopisë Shukri Xhelili “rikthehet” në dyert e gjykatave. Këtë herë është Prokuroria e Dibrës e cila e ka kallëzuar ish-kryebashkiakun e Peshkopisë. Mësohet se Xhelili akuzohet për fshehje të pasurisë, mosdeklarim dhe deklarim të rremë të interesave private.
Hetimi i Prokurorisë së Dibrës nisi pas kallëzimit të bërë nga Inspektoriati i Lartë i Kontrollit dhe Deklarimit të Pasurive, ku në raportin për ish-zyrtarin vendor thotë se nuk justifikon të ardhurat për blerjen e një apartamenti në qytetin e Durrësit me vlerë 34 mijë euro. Apartamenti është në pronësi të djalit të ish-kryebashkiakut. Shukri Xhelili u shkarkua nga detyra e kryebashkiakut të Peshkopisë në maj të 2016, pas kërkesës për favore seksuale në këmbim të vendit të punës ndaj një vajze.

Published in INNEWS

Procesi i Vetingut është konsideruar si pika kryesore në zbatimin e reformës në drejtësi. E për këtë edhe anëtarët e përzgjedhur për komisionet e Vettingut kanë marrë një vëmendje maksimale. Ka qenë Komiteti Shqiptar i Helsinkit ai që ka monitoruar gjithë procesin e përzgjedhjes së anëtarëve të komisionit të Vettingut. Nga vëzhgimi i KShH kandidatët që kanë marrë një vlerësim negativ nga ONM janë paragjykuar edhe nga anëtarët e komisionit Ad Hoc gjatë seancave dëgjimore.
KShH:
Vëzhguesit e KShH-së vunë re se ndaj këtyre kandidatëve u drejtuan pyetje paragjykuese në drejtim të paanshmërisë së tyre. Këta kandidatë u vunë nën presion politik gjatë intervistës (seancës dëgjimore), e cila në fakt duhet të kishte si objektiv kryesor testimin e nivelit profesional të kandidatëve.
Partnerët tanë ndërkombëtarë gjatë gjithë procesit kanë vënë theksin në rëndësinë e angazhimit pranë komisionit të vettingut të individëve që kanë studiuar dhe punuar jashtë vendit por në fund rezultoi krejt e kundërta në procesin e përzgjedhje.
KShH :
“Vëzhguesit e KShH-së vërejtën se pjesa me e madhe e kandidatëve të përzgjedhur janë arsimuar dhe kanë punuar brenda vendit, ndërkohë që një numër relativisht i lartë kandidatësh jo të përzgjedhur ishin arsimuar ose kishin patur përvoja të vlerësueshme në vendet perëndimore”.

 

Published in INNEWS

Komisioni ad hoc me 6 anëtarë për përzgjedhjen e emrave për krijimin e institucioneve të Vettingu-t votoi sot 7 anëtarët e Kolegjit të Posaçëm të Apelimit. Ina Rama ka mundur të marrë besimin e deputetëve të PD dhe PS për tu bërë pjesë e Kolegjit të Posaçëm të Apelimit, duke u bërë kështu një anëtare e kolegjit për 9 vitet e ardhshme. 

Lista e plotë e anëtarëve të Kolegjit të Posaçëm të Apelimit
-Ardian Hajdari
-Natasha Mulaj
-Sokol Çomo
-Ina Rama
-Luan Daci
-Albana Shtylla
-Rezarta Schutz
Në Kryesinë e Kuvendit u votuan dhe kandidatët e parë dhe të dytë zëvendësues të gjyqtarit në Kolegjin e Posaçëm të Apelimit, Mimoza Tasi dhe Etleva Papleka.
I gjithë procesi i votimit ishte live dhe u ndoq edhe nga Ambasadorët e akredituar në Tiranë, ku ranë në sy ai i SHBA Donald Lu dhe Ambasadorja e BE-së Romana Vlahutin.
Gjyqtarët e Kolegjit të Apelimit, kanë një mandat 9-vjeçar.
Pas kësaj, Kuvendi brenda 10 ditëve miraton listën e kandidatëve në bllok, me 3/5 e votave të të gjithë anëtarëve të tij.

Published in INNEWS

Nga Rada e Durrësit Rama ka shprehur entuziazëm në lidhje me zhbllokimin e vettingut. E lakoi e disa të mira që do të sjellë zbatimi i tij. Sipas tij për një kategori personash e reforma në drejëtësi e çon frikën deri në palcë e se do pastrojë metastazat e kancerit. Rama e gjykoi si reformën më të madhe në 27 vjet që në fakt arriti të mbyllej vetëm në një ditë. Kryeministri kritikoi ashpër dhe analistët që kanë aluduar në shumë pista se përse u bë marrëveshja Rama – Basha dhe bërë një sqarim kur tha se me PD konsiderohen si bashkëqeverisës të zgjedhjeve. Po nuk nguroi që të thotë se dhe politikanët që kanë abuzuar tashmë do të vendosen më lehtë para drejtësisë.
Ai akuzoi indirekt disa analistët si të korruptuar dhe shtoi e ata e kanë mendjen tek drejtësia jo tek populli se kanë frikë. Madje metaforikisht Rama tha se këta persona duken nga fytyra se kush janë. “Shihni fytyrën dhe verini çmimin,” tha kryeministri.

Rama edhe pse nuk i tha emrin lëshoi dhe batuta për Blushi.
“Ishte njëri dje thoshe katundarë dhe punëtorë çohuni nga Shkodra deri në Vlorë’.
Merreni atë të mbrëmshmin ulni zërin e TV dhe shikojeni a ka lidhje fytyra e tij me problemet e Shqipërisë”, tha Edi Rama.

Ndërsa kritikoi 8 vitet e qeverisje të demokratëve, kreu i PS kërkoi dhe votat e banorëve të Radës duke iu thënë se s’jemi më të mirët, po më të mirë s’kemi parë. "Nëse i jepni PS 71 mandate timoni i sigurt, nëse nuk i jepni 71, PS mund të ketë timonin, por kushedi sa mund të ketë në prehër dhe pa rrip sigurimi," shtoi kreu i PS.

Ndiqni lajmin e përmbledhur në kronikën e IN News...

Published in INNEWS

Kryeministri Edi Rama iu tha sot të rinjve të interesuar për punë dhe për profesione se pa Reformë në Drejtësi nuk mund të rritet fluksi i investimeve të huaja duke lënë të kuptohet se dhe hapja e vendeve të reja të punës mbetet pezull. Këtë deklaratë Rama e bërë në Panairin e Arsimit Profesional.
“Mund të bëjmë arsim profesional, por pa Reformë në Drejtësi nuk mund të rrisim fluksin e investimeve të huaja sepse ata kanë 1001 arsye ta shohin Shqipërinë si një vend mundësish, por kanë një arsye për ta pasur frikë se kur vijnë për të investuar, u del përpara një Gjon a Tom dhe u thotë se jam unë gjykatësi këtu që ta bëj nul gjithçka që bën”, tha Rama.

Kryeministri shtoi se janë shumë të vendosur që të zhbllokojnë vetting-un një orë e më parë nëse s’ndodh sa më parë punonjësit do ikin nga vendi.
“Sot ne kemi filluar procesin për 6 shkolla ekselence të arsimit profesional. Është një investim 30 milionë euro dhe do na japë shumë më tepër se kaq, por pa vetting-un dhe drejtësinë, thjesht do të prodhojmë punonjës që do të ikin jashtë”, theksoi Rama.

Rama mes batutash tha se ka problem e me rrobaqepësit. "Unë do thoja se i mungojnë edhe rrobaqepës vendit, duke patur edhe problem për shkak të përmasave që më janë përcaktuar nga ime më dhe im atë”, tha kryeministri Rama.

Ai foli dhe për juristët:
"Shqipëria ka 8 fish më shumë juristë se Gjermania, por sistemin i drejtësisë nuk është i njëjtë si atje, por e kundërta. Sot kemi një ushtri juristësh që janë të papunë, ndërsa në aksin nga Zogu i Zi deri në dalje të këtij aksi vende të lira pune ka, nuk mund ti mbushin me juristë.
Po mos e kishim bërë ne këtë që po bëjmë me arsimin profesional, këta që janë mbrapa do të ishin duke vendosur skedina për gjysmëfinalet e Champions League".
 


Published in INNEWS

Avokati i Populli mbyll procesin e rivlerësimit të dokumentacioneve të dorëzuar nga 164 aplikantë për të qenë pjesë e komisioneve të Vettingut. Në përfundim të kësaj faze numri i aplikantëve që plotësojnë kriteret sipas avokatit të popullit është i lartë, duke kapërcyer me disa herë shifrën që kërkon ligji.

Igli Totozani:
“Pas përfundimit të këtij procesi rezulton se numri i kandidatëve që kanë plotësuar kriteret formale ka shkuar në 84. Ndërsa 109 kandidatë aplikantë NUK i kanë përmbushur kriteret formale”.
Pas Avokatit të Popullit radha e vlerësimit të kritereve të kandidatëve i përket Operacionit Ndërkombëtar të Monitorimit, përpara se sa kandidatët ti përcillen Parlamentit për votim.
Igli Totozani:
“Aktualisht i kemi dorëzuar ONM-së: Listën me emrat e kandidatëve, të cilët i kanë plotësuar kriteret formale; Listën e kandidatëve, që NUK i kanë plotësuar kriteret formale sipas ligjit; Procesverbalin e dorëzimit të dosjeve; Letrën përcjellëse të dokumentacionit drejtuar znj. Genoveva Ruiz Calavera, kryetare e Bordit te ONM-së”.
Në fund avokati i popullit Igli totozani kishte këtë mesazh sa i përket këtij procesi:
Igli Totozani:
“Suksese Vettingut suksese reformës në drejtësi”.

Published in INNEWS

Krijimi i qeverisë teknike i jep fund krizës politike në Shqipëri. Kështu deklaroi Kryetari i Partisë Demokratike, Lulzim Basha gjatë takimit me drejtues të lartë të institucioneve evropiane dhe udhëheqës politik të së djathtës.
Gjatë takimit me Komisionerin e Zgjerimit, Hahn, lideri i opozitës theksoi se e vetmja rrugëdalje nga kriza, është krijimi i një qeverie teknike që do të krijonte kushtet për zgjedhje të lira e të ndershme, duke zbatuar dekriminalizimin, duke luftuar krimin, drogën, paratë e pista që janë kërcënim i hapur ndaj votës së lirë, kjo e provuar në të gjitha zgjedhjet e zhvilluara në këto 4 vite me qeverinë Rama.
Po ashtu, Basha tha se kjo qeveri teknike do të kishte mbështetjen e plotë politike për të vijuar me zbatimin e reformës në drejtësi sipas ndryshimeve kushtetuese konsensuale të 22 korrikut.
Ndërsa në takimin me nënkryetarin e grupit parlamentar CDU-CSU, Friedrih, u bisedua për gjendjen e rëndë të kriminalitetit në vend dhe daljen jashtë kontrollit të drogës e trafikut të saj, sipas dhe raporteve të fundit të Europol dhe Departamentit amerikan të Shtetit.
Në këto rrethana, kur qeveria është bërë palë me krimin, zgjedhjet janë të rrezikuara, tha Basha.

Published in INNEWS
radio TV

Facebook

LIKE Shqip Top 10

poll