Samsung është prodhuesi më i madh i smartphonëve në botë. Kur arrin majat është shumë e vështirë që të qëndrosh në atë nivel. Konkurenca e fortë ka ulur deri diku dominancën e tyre, por ama sërish duhet punë për të mbajtur tregin në kontroll.
Apple është e vetmja kompani që ka rivalizuar ata për sa i përket smartphonëve premium, por ama Galaxy Note nuk ka pasur kurrë një rival. Note 9 do të dali këtë Gusht dhe ne kemi folur në lidhje me çdo zbulim të mundshëm në lidhje me të. Tani vlen që të përcjellim tek ju dhe lajmin më të ri dhe atë me më shumë vlerë për ju.
Nëse keni vendosur që të blini Note 9 bëni mirë të dini që ai do të jetë më i shtrenjtë seç pritej. Në Poloni pritet që të shitet për rreth 1200 euro. Në SHBA gjithnjë kushton më pak falë taksave më të ulëta, por parashikohet tek rreth 1100$.
Edhe vetë Apple duket se do të shesi iPhone XI plus-in më lirë dhe gjejeni çfarë, ai do të ketë support për Apple Pencil. Lapsi ishte ajo që i jepte Galaxy Note të drejtën për të kushtuar më shumë, por nëse iPhone do të kushtojë më pak tani e tutje duket se rendi ekzistues sapo u shkatërrua. Samsung do të lançojë dhe një smartphone revolucionar vitin e ardhshëm me një çmim prej 2000$. Ata do të jenë ose fituesit ose humbësit e mëdhenj mesa duket.
-------------------------------------
MEQË JE KËTU
IN Smart të fton të na bashkohesh në grupin privat të Facebook ku mund të diskutojmë risitë e teknologjisë, problemet që ti mund të kesh me smartphone tënd dhe të njihemi me njëri-tjetrin në komunitetin më të madh dedikuar të apasionuarve pas teknologjisë.
15 Apr 2024 
