Para disa ditësh fotot e Justin Bieber dhe Hailey Baldwin në gjykatën e New York bënë xhiron e rrjetit pasi u konfirmua se çifti kurorëzoi ligjërisht martesën.

Por menjëherë pas gjithë zhurmës, modelja vendosi t’i shokonte të gjithë duke bërë një deklaratë mjaft të çuditshme në Twitter.

“Unë nuk jam martuar ende,” shkroi modelja për ndjekësit e saj.

Detaje të tjera janë zbuluar tani nga xhaxhai i Hailey.

Aktori i njohur hollivudian, Alec Baldwin u shpreh në një intervistë në tapetin e kuq të çmimeve Emmy, se mbesa e tij dhe Justin Bieber janë martuar.

Ata u larguan dhe u martuan, unë nuk e di se çfarë marrëveshje kanë nënshkruar”, tha aktori i njohur, kur u shfaq në ceremoninë që u mbajt në Los Angeles.