INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Kryeprokurori, mbledhja e PD-së, Basha: Angazhim në protestë, ndoshta jo vetëm të hënën

Kryeprokurori, mbledhja e PD-së, Basha: Angazhim në protestë, ndoshta jo vetëm të hënën

Publikuar më: 18:25 16-12-2017

Lulzim Basha pasditen e kësaj të shtune mblodhi në selinë qendrore të Partisë Demokratike kryetarët në rrethe të kësaj force.

Në takim është diskutuar për protestën e ditës së hënë, protesta të cilat mund të vijojnë edhe pas ditës së hënë.

PD ka paralajmëruar një tubim në orën 09:30 minuta para sallës së seancave plenare të Kuvendit për të kundërshtuar zgjedhjen e kryeprokurorit të përgjithshëm të përkohshëm.

Edhe LSI është kundër zgjedhjes së kryeprokurorit dhe të dielën do të mbledhë Komitetin Drejtues Kombëtar për organizimin e protestës para Parlamentit. Paraprakisht, Monika Kryemadhi e cilësoi të hënën si ditën më të errët të demokracisë shqiptare.

Pasi Kuvendi vendosi të konstatojë me 7 dhjetor përfundimin e mandatit të Adriatik Llallës, opozita e bojkotoi procedurën e zgjedhjes së kryeprokuorit të përkohshëm. PD dhe LSI mbështeten tek Kushtetuta, e cila përcakton Këshillin e Lartë të Prokuorisë, si të vetmin organ që mund të konstatojë fundin e mandatit dhe prej të cilit vijnë dhe propozimet për kryeprokuorin e ri.

Article Logic
Execution time: 0.0032529830932617