Ditën e shtunë Mayweather është fotografuar në stadiumin e “Staples Center” në shoqërinë e disa personazheve të njohur të cilët së bashku ishin aty për të ndjekur eventin e gjuajtjeve nga distanca dhe zhytjeve. Amerikani ka qenë i pranishëm edhe në duelin e madh të mbrëmjes së të dielës ku “LeBron Team” triumfoi ndaj “Curry Team”, sfidë në të cilën ku luajtën shumë yje të basketbollit amerikan.

Mayweather ka ndjekur eventin e së shtunës nën shoqërinë e disa personazheve shumë të njohur të muzikës si Dj Khaled, aktori i famshëm i Holliwood, Mark Wahlberg si dhe Chris Rock, Leslie dhe Julius Erving. Boksieri 40-vjecar po qëndron jashtqë ringut që prej gushtit të vitit 2017, ku triumfoi ne superduelin e zhvilluar në Las Vegas ndaj kampionit të arteve marciale Conor McGregor, fitore e cila i siguroi atij plot 300 milionë dollarë.