Noizy është një nga reperët më të mirë shqiptarë i cili numëron shumë fansa në vendin tonë. Por Noizy njihet gjithashtu për zemërgjerësinë e tij dhe shpesh herë bën akte të bukura bamirësie duke ndihmuar njerëzit në nevojë. Të njejtë gja ka bërë edhe ditën e djeshme ku ka kërkuar ndihmë nga fansat e tij për të ndihmuar Klean e vogël e cila duhet t’i nënshtrohet një operacioni që kushton 20 mijë Euro.

Reperi ka bërë thirrje në Instagram që kush të ketë mundësi ta ndihmojë dhe miqtë e tij i janë përgjigjur menjëherë, ndërkohë që disa persona i kanë treguar se kanë bërë donacion por Noizy e ka vërtetuar dhe disa prej tyre kanë gënjyer.

Reperi iu ka shkruar personalisht të gjithë atyre që kanë thënë se kanë bërë donacion por në të vërtetë jo. Mesazhet që ka çuar, Noizy i ka publikuar edhe në Instastory duke i bërë ‘tagg’ që të gjithë ta kuptojnë se kush ka gënjyer e kush ka treguar të vërtetën.