Noizy është një nga reperat më të mirë shqiptarë, por edhe Fero është rritur shumë profesionalisht si dhe ka fituar goxha fansa. Këtë e tregojnë edhe klikimet në këngët e tij në YouTube, mirëpo së fundmi e ka kapur keq me Noizyn.

Së fundmi është publikuar kënga “La Familia” e reperit S4MM në bashkëpunim me Noizyn, i cili në mes të rreshtave të këngën duket që i këndon kundërshtarëve, pasi thotë që “Prej 10 vitesh, jam i pari në pistë”, ndërkohë që në këngën e tij të re, Fero thotë: “Venin e parë e kam zon, lyp tjetër ven” .

E si të mos mjaftonin këto tekste, Fero ka postuar disa video në InstaStory që lidhen me këngën e dyshes S4MM dhe Noizy si dhe i ka sharë në një koncert live në Gjilan, madje ata i kanë lëshuar sërish “kunja” njëri-tjetrit me disa postime në instastory.

Në këngën e tij të re, Fero thotë: “Ju pom folni mu per kerre,ju pom folni mu per pare. Amo krejt i keni me qira”.

E ndërkohë që ky sherr i tyre po bën bujë në media, Noizy ka bërë një tjetër “diss”, pasi ka publikuar një foto me një nga makinat e tij më lukzose, Maybach, ku shkruan: No rental (jo me qera).

Shumë fansa të reperit kanë etiketuar Feron në këtë postim, si për t’i treguar që ishte një “diss” për të.