Eshtrat 2 mijë vjeçare të një femre të varrosur me rroba luksoze dhe me dhurata për jetën e përtejme janë gjetur nën një rezervuar rus. Dhe çuditërisht trupi i ‘bukuroshes’ që fjeti 2 mijë vjet, ishte i pa prishur deri në momentin e hapjes së varrit. Kjo tërhoqi edhe më shumë shkencëtarët për të përcaktuar procesin, pasi nuk ishte e balsamosur. E mbuluar me mëndafsh dhe me boçe pishte në kraharor, ajo u gjet në këtë varr prej guri që ruante natyrshëm trupin e saj. Shkencëtarët besojnë se janë sende me vlerë të lartë ato që u gjetën, duke përfshirë një gurë të çmuar dhe një pasqyrë të stilit kinez në kutinë e make-up të gruas. Arkeologët spekulojnë se ajo ishte një grua e re "Hun" dhe shpresohet të kuptohet më shumë për jetën e saj, ndërsa do të analizohen mbetjet. Varri i gruas u gjet në bregun e lumit ‘Yenisei’, kur një rezervuar, në rrjedhën e sipërme të digës së hidrocentralit të Sayano-Shushenskaya prej 240 m, përjetoi rënie të konsiderueshme në nivelin e ujit. Për arkeologun Dr Marina Kilunovskaya, nga Instituti i Historisë së Kulturës Materiale të Shën Petersburgut, ‘mumja’ e kësaj gruaje të re nuk është rast klasik, por sipas tij duke qënë se varri ishte mbyllur fort me një kapak guri, ka mundësuar  një proces të mumifikimit natyror.