Dua Lipa është padyshim një nga këngëtaret që po korr më shumë sukses në arenën ndërkombëtare.

Përveç vokalit të mahnitshëm dhe fitimit të shumë çmimeve ndërkombëtare, ku mund të përmendim dy Grammy, këngëtarja ka edhe një bukuri të admirueshme.

Para një muaji, këngëtarja i ka dhënë fund lidhjes disa vjeçare me ish të dashurin e saj kuzhinier Isaac Carew dhe tashmë ajo sapo ka filluar një lidhje romantike me vëllain e dy modeleve të famshme Bella dhe Gigi Hadid, i cili quhet Anwar Hadid.

Këngëtarja është bërë imazhi kryesor i një reklame shumë të njohur fragrancash. Ditë më parë videoja nga marka që përfaqëson Dua, bëri një bujë të madhe sepse këngëtarja shfaqej me një shqiponjë në duar.

Së fundmi, ditën e sotme ajo ka ndarë me ndjekësit e saj prapaskenat e xhirimeve të videos në fjalë dhe duket që nuk kanë qenë aq të lehta.

“Nëse doni të shihni se si shkuan xhirimet e fundit.”- ka shkruar Dua Lipa.

Në videon e publikuar të prapaskenave shfaqet këngëtarja të cilën dallgët e detit arrijnë ta rrëzojnë sado që ndodhet në breg.

View this post on Instagram

If you wanted to see how our last shot went... wait for it ? ?? @nabildo @yslbeauty

A post shared by Dua Lipa (@dualipa) on Aug 20, 2019 at 12:39pm PDT