INTV NEWS SHOWBIZ MAGAZINA MUSIC MOVIES FASHION SMART MED+ SPORTS VIDEOS
Protesta e studentëve, reagon Avokati i Popullit: Mos kërcënoni të drejtën e tyre për të protestuar

Protesta e studentëve, reagon Avokati i Popullit: Mos kërcënoni të drejtën e tyre për të protestuar

Publikuar më: 22:43 11-01-2019

Institucioni i Avokatit të Popullit, të premten pasdite, ka bërë thirrje që t’mos ushtrohet asnjë lloj forme intimidimi apo presioni të fshehur apo të drejtpërdrejtë për të cenuar të drejten e studentëve për të protestuar.
Përmes një deklarate për mediat, ky institucion shpreh shqetësimin për qasjen represive ndaj formave të ndryshme të protestës së një numri studentësh shqiptarë të cilët kërkojnë plotësimin e disa pikave me synim përmirësimin e gjendjes së arsimit universitar në vend.
Avokati i Popiullit vlerëson si një zgjidhje pozitive uljen e tarifave dhe adresimin e disa prej kërkesave të studentëve, duke theksuar më tej se studentët janë ata që kanë të drejtë të bejnë vlerësimin përfundimtar në lidhje me realizimin e kërkesave të tyre.

Deklarata e plotë:

Avokati i Popullit shpreh shqetësimin për qasjen represive ndaj formave të ndryshme të protestës së një numri studentësh shqiptarë të cilët kërkojnë plotësimin e disa pikave me synim përmirësimin e gjendjes së arsimit universitar në vend.
Ndërsa institucionalisht vlerësojmë si një zgjidhje pozitive uljen e tarifave dhe adresimin e disa prej kërkesave të studentëve, mendojmë se studentët janë ata që kanë të drejtë të bëjnë vlerësimin përfundimtar në lidhje me realizimin e kërkesave të tyre.
Institucioni i Avokatit të Popullit për të disatën herë kërkon që autoritetet tona të garantojnë me të gjitha mënyrat që qytetarët ta shprehin pakënaqësinë e tyre në mënyrë paqësore, të pashqetësuar e të pa vënë nën presione të çdo lloji.
Gjithashtu, janë në kufijtë e të papranueshmes justifikimet se përdorimi i forcës për shpërndarjen e studentëve që kanë zgjedhur ta zhvillojnë protestën e tyr në ambientet universitare, bëhet për të garantuar zhvillimin normal të mësimit në ato ambiente.
Ndërkohë që prej më se një muaji është bërë e qartë nga protestat e studentëve se situata nuk është normale, nuk ka asnjë “normalitet” që po ndërpritet nga vijimi i shprehjes së pakënaqësisë së studentëve.
Avokati i Popullit bën thirrje që askush të mos ushtrojë asnjë lloj forme intimidimi apo presioni të fshehur apo të drejtpërdrejtë për të cenuar të drejten e studentëve për të protestuar dhe të zgjidhet një qasje e re mirëkuptuese, dëgjuese dhe vetëkorrigjuese përballë kërkesave të tyre të drejta.
Ekipet e Avokatit të Popullit janë në ndjekje të vazhdueshme të situatës në të gjitha lokacionet e saj, ata kanë bashkëbiseduar me studentë dhe kanë marrë ankesat e tyre.
Avokati i Popullit do te kryeje procesin e verifikimit te ketyre ankesave ne perputhje me ligjin dhe do te nxjerre konkluzionet perkatese ne rast se do te konstatohen shkelje te te drejtave te njeriut dhe keqperdorim te autoritetit administrativ shteteror".

radio TV

 

Të fundit

Kryesore

    LIKE Shqip Top 10

    poll
    Article Logic
    Execution time: 0.0026659965515137
    array(1) { ["section"]=> string(98) "protesta-e-studenteve-reagon-avokati-i-popullit-mos-kercenoni-t-drejten-e-tyre-per-te-protes-84190" }