Ekonomia po rritet nën nivelin e mundësive që ofron vendi. Në raportin e fundit për zhvillimet ekonomike të tremujorit të tretë, BSH thotë se plakja e popullsisë, fenomeni i emigracionit dhe rritja e dobët e produktivitetit, do të vazhdojnë të jenë faktorë frenues në përshpejtimin e normave të rritjes potenciale ekonomike. Po situata s’do jetë e mirë dhe në vijim, pasi kur 50-vjeçarët e sotshëm të dalin në pension, forca e punës do të pësojë tkurrje të madhe duke bërë, që ekonomia e vendit të mos ketë përparësi në këtë drejtim. Ndaj këshillohen sa më shumë politika të reja sociale.