Reperi i njohur Agon Amiga ka publikuar këngën e tij të fundit “O Bir” dhe burime për ‘Sevenbizz’ kanë bërë të ditur se Agoni thumbon reperin Getoar Selimi në këtë projekt të ri.

“T’kom msu qa me vesh, t’kom msu qa me ble, sot mas 15 vjetve jeni tu ma tesh”. – këndon ai në këngën “O Bir”.

Kjo këngë paralajmëron largimin e Agon Amigës nga ‘Babastars’, madje pritet që reperi shumë shpejt ta konfirmojë edhe vetë shkëputjen nga grupi, sipas të njëjtit burim.

Por duke qenë se ky do ishte një ndër largimet më të bujshme në muzikën shqiptare pasi Agoni dhe Getoari janë miq e bashkëpunëtorë prej vitesh, që te Tingulli Trent, i hodhëm një sy instagramit të tyrë. Agon Amiga ka të shkruar ende se është pjesë e labelit BABASTARS, madje si ai dhe Getoari ndjekin njëri-tjetrin në Instagram.

Pavarësisht këtij detaji, Majk ka treguar mbështetjen e tij për këngën e re të Agon Amigës dhe nëse “O Bir” do ishte një diss për Getoarin, kurrsesi Majk s’do e bënte diçka të tillë sepse ishte Ghetto Geasy ai që postoi një foto me Majkun para dy ditësh. Që do të thotë se grupi janë ende bashkë e mes tyre s’ka përçarje.