Këtë të martë vetëm një ditë pas prezantimit të projektit të Teatrit Kombëtar, kryeministri Rama ka postuar disa foto në rrjetin social facebook ku duket edhe pamja e re që do të ketë ndërtesa.

Rama shprehet se gërmadha ekzistuese do të shndërrohet në një nga teatrot më të bukur të ndërtuar në Europë.

Postimi i Plotë
Mirëmëngjes…dhe me këto pamje nga projekti i Teatrit të ri Kombëtar, që do të transformojë gërmadhat ekzistuese në një nga teatrot më të bukur bashkëkohorë të ndërtuar rishtas në Europë, ju uroj një ditë të mbarë

Një ditë më parë kryeministri prezantoi projektin danez për teatrin e ri. Përballë aktorëve, ku munguan kryesisht ata që e kanë kundërshtuar vendimin për shembejn e teatrit aktual, kreu i qeverisë ironizoi ata që kanë dalë në protesta dhe ka premtuar se teatri i ri do ndërtohet brenda 3 viteve në partneritet publik privat.