Trajneri Christian Panucci ka dalë para pak minutash në konferencën për shtyp, ku ka folur për ndeshjen me Turqinë dhe çështje të tjera. Ai bëri të ditur se në grumbullimin e marsit do të ketë patjetër emra të rinj.
“Nuk e di çfarë ndryshuar, por dua të them se kërkoj të jap më të mirën në skuadër. Kemi pak kohë për të punuar. Qaka është një lojtar mjaft i talentuar që luan në Rumani. Edhe Ajdareviç ka kualitet.
De Biazi kishte mënyrën e tij të unës dhe unë timen. Kam idetë e mia dhe duhet të ndryshoj diçka, është e pashmangshme. Uroj të kem rezultet dhe objektivat e De Biazit.
Besoj se pjesa e parë me Turqinë tregoi punën që kemi bërë në Antalia. Kemi luajtur futboll të bukur në Turqi. Bëmë dy ndeshje në Turqi: në pjesën e parë luajtëm mirë dhe në të dytën treguam karakter, kur mbetëm me 10 lojtarë.
Në 9 ditët e kaluara në Antalia lojtarët ishin shumë seriozë dhe rezultati i ndeshjes ishte rrjedhojë e asaj pune që ne bëmë me grupin. Jam shumë i kënaqur nga të rinjtë dhe kemi një bazë kualiteti të mirë. Kemi edhe 6 muaj kohë dhe do të punojmë për t të pasur lojtarë të tjerë në grumbullimin e marsit.
Kemi 5-6 lojtarë që po ndjekim dhe do të shohim se çfarë do të bëjmë. Do të ketë afrime të reja në muajin mars. Do të shikojmë dhe do të vendosim”.