Emiliano Sala është zhdukur. Sulmuesi argjentinas me origjinë italiane po fluturonte në avionin “Piper Malibu”, drejt kryeqytetit të Uellsit, por në orën 20:30 të mbrëmjes së hënës ai është shpallur i zhdukur.
Avioni ishte i përmasave të vogla dhe mund të mbante deri në 5 pasagjerë. Policia franceze dyshon se në të ndodhej vetëm piloti dhe futbollisti 28 vjeçar i Cardiff City. Sipas policisë franceze, lidhjet mes radarit dhe avionit u ndërprenë ndërsa aeroplani fluturonte mbi Kanalin Anglez pranë farit të Casquets.
Një operacion i madh kërkimi është duke u zhvilluar për avionin e lehtë, në Alderney në Ishujt Channel.