Kompania prestigjoze Apple ka lançuar super smartfonin iPhone X para disa ditësh dhe të gjithë u mahnitën nga cilësite e tij. Mund të jetë shumë i bukur dhe me veçori shumë të mira, por siç duket Apple po has vështirësi kur është fjala për disponueshmërinë në treg.

Sipas Brightwire, dërgesa me më shumë se 90 për qind të njësive të iPhone X duket se do të shtyhet deri pas muajit Dhjetor.

Brightwire thotë se një milion njësitë e para do të mund të shtyhen deri në dhjetor, dhe duke pasuar parasysh kërkesat për smartfonin e ri iPhone X, një milion njësi nuk është mjaftueshëm.

Arsyet e sakta se pse do të mund të shtyhet nuk janë zbuluar, por dihet që njëri nga problemet janë panelët OLED dhe sensorët 3D.