Varësia nga bixhozi! AKEP mbyll dhjetra faqe online bastesh

Publikuar më: 12:50 20-09-2018

Autoriteti i Komunikimeve Elektronike dhe Postare në aksion dënon abuzimet në bixhoz. Ai ka mundur të bllokojë 56 faqeve elektronike, që ofronin zhvillimin e lojërave online, pas një kërkese të kryer nga Autoriteti i Mbikëqyrjes së Lojërave të Fatit. Pas kësaj kërkese mësohet se AKEP ju ka çuar një shkresë operatorëve, që kryejnë aktivitet në fushën e basteve sportive, ku ju kërkon mbylljen e faqes duke sqaruar se ligjërisht mund ta marrë këtë masë. Duke i sqaruar se AKEP, me disponimin e kërkesës së organit kompetent të fushës për kufizimin e transmetimit me përmbajtje të paligjshme ose të dëmshme, i drejtohet sipërmarrësit, subjektit që ofron rrjetin ose shërbimet e komunikimit elektronik publik, për ndërprerjen dhe bllokimin e transmetimit, pasi vlerëson se përmbajtja e këtyre faqeve elektronike është e paligjshme.

Këto faqe interneti ofronin opsionin e kazinove, lojërave online dhe vendosjes së basteve për ndjeshje, një aktivitet që është konsideruar si i paautorizuar dhe i palicencuar nga Autoriteti i Mbikëqyrjes së Lojërave të Fatit.
Përhapja masive e lojrave të fatit tashëm dhe elektronike ka bërë që shumë shqiptarët të bëhen të varur nga vesi i bixhozit dhe kanë lënë shumë para. Në krahasim me një vit më parë, shpenzimet e shqiptarëve për loto e kazino janë rritur me 9.3%, apo rreth 11 milionë euro më shumë. Biznesi më i madh është te kazinotë. Kazinotë elektronike rezultojnë kategoria ku shqiptarët tentojnë të provojnë me shumë fatin.

Kompanitë e bllokuara online të basteve:

www.superbast.com

www.pinnacle.com

www.williamhill.com

www.sbobet.com

www.maxbet.com

www.bet365.com

www.bwin.com

www.mollybet.com

www.asianodds.com

www.betcity.com

www.maxlloto.com