Në hapin më të lartë të podiumit si futbollist, një prej tyre ka shpenzuar 31.7 milionë euro për të pasur aeroplanin (jets) e vet privat dhe luksoz. E kush mund të ishte tjetër, përveçse fituesit pesë herë të “Topit të Artë”, Cristiano Ronaldo, ylli portugez i Juventus.

Mirëpo, ai nuk është futbollisti i vetëm që ia ka lejuar vetes një luks të tillë. Në renditjen e mëposhtme keni lojtarët e futbollit që posedojnë avionët privatë më të shtrenjtë.

10 – Ronaldinho fiton pozitën e fundit të “Top 10” me blerjen e “Embraer Phenon 100” për vetëm 2.9 milionë euro.

9 – Kaka në vendin e nëntë me “Cessna Citation CJ3 Plus”, për të cilin pagoi 6.4 milionë euro.

8- Pozicioni i tetë për Gareth Bale, i cili shpenzoi 9.7 milionë euro për “Cessna Citation XLS Plus”.

7- Neymar posedon aeroplan privat të markës “Ember Legacy 450”, i cili ka çmimin prej 12.2 milionë eurosh.

6- Wayne Rooney për ekskursionet familjare përdor “Dassault Falcon”, të blerë për 15.8 milionë euro.

5 – Paul Pogba bleu “Gulfstream G280” për 20.4 milionë euro.

4- David Beckham ka blerë për 21.5 milionë euro “Bombardier Challenger 350”, në të cilën, gruaja e tij, Victoria, gjithashtu është e rehatshme.

3 – Pozicioni i tretë për Zlatan Ibrahimovic, i cili bleu “Cessna Citation Longitude” për 23.8 milionë euro.

2- Vendin e dytë e mban Leo Messi, i cili me 28.3 milionë euro ka marrë në shtëpi “Embraer Legacy 650”.

1- Në vendin e parë është Cristiano Ronaldo, i cili bleu “Gulfstream G650” për 31.7 milionë euro.