Këto janë një përmbledhje idesh, të cilat do mund t’ju ndihmonin të rindiznit pasionin (gjithmonë, nëse keni nevojë për këtë), të rekuperoni tërheqjen seksuale, e cila ne jetën e përditshme shpesh ndikohet nga stresi, shqetësimet apo problemet e ndryshme. 

1. Nëse keni probleme ne çift, përpiquni t’i identifikoni, të përballeni me to dhe, nëse është e mundur, t’i zgjidhni. Një përputhje përfekte seksuale, rrjedh nga një raport i qetë. 

2. Kini parasysh se nevojat e meshkujve dhe femrave nuk janë të njëjta, sidomos sa i takon sferës seksuale. Jini të gatshme të bëni disa lëshime të vogla dhe t’iu përgjigjeni fantazive e nevojave të partnerit. 

3. Luani. Argëtohuni dhe mbi të gjitha, mos kini turp të propozoni diçka të re. Armiku më i madh i jetës seksuale, është rutina. 

4. Mos u mbyllni në vetvete. Jini të hapura ndaj miqësive, njohjeve të reja, stimujve të rinj që vijnë nga jashtë. Këto do të sjellin një ajër të ri brenda çiftit tuaj, ide të reja, stimuj të rinj. Dhe nga kjo do të përfitojë dëshira seksuale. 

5. Shkëputuni herë pas here nga njëri-tjetri. Mund të kalosh një fundjavë me mikeshat, kurse ai të dalë një mbrëmje me miqtë për birra. Ose bëni një pushim të shkurtër. Kjo do t’i bëj më të këndshme momentet që kaloni së bashku. 

6. Xhelozia? Në doza të vogla, po, faleminderit! Xhelozia mund të jetë një lojë stimuluese, një lojë që mund të sjellë shumë ide, motivime të tjera dhe stimuj të rinj. Ju pëlqen kolegu juaj i ri? Provoni t’ia thoni këtë partnerit tuaj (por duke mbajtur gjithmonë njëfarë distance sigurie, se nuk i dihet kurrë...) 

7. Një film? Një aksesor erotik? Edhe një herë... Po, faleminderit! Bëjeni pikante kohën që kaloni në shtrat. 

8. Pak romanticizëm nuk bën dëm. Është e vërtetë se meshkujt kanë prirjen t’iu ikin momenteve romantike, përveçse kur janë në fillim të lidhjes, por është gjithashtu e vërtetë se herë pas here edhe ata duhet të bëjnë një përpjekje të vogël që t’i plotësojnë nevojat e partneres. 

9. Fantazia, aleati juaj i madh. Mos kini frikë nga fantazitë tuaja dhe mos i gjykoni negativisht ato të partnerit tuaj. Fantazia është aleati më i mirë për një jetë të kënaqshme dhe shpërblyese seksuale. 

10. Po ju? Çfarë bëni për ta shndërruar krevatin në një zonë të nxehtë dhe aktive sa më shpesh? Nuk janë vetëm këto që sugjeruam ne këshillat e vetme të vlefshme për të ndezur pasionin... Kështu që, mendohuni dhe gjeni në mënyrë personale rrugë dhe shtigje të reja drejt kënaqësisë seksuale!