100 trupa femërore tërësisht të zhveshura për të pritur Donald Trump. Quhet “Everything She Says Means Everything – Gjithçka që ajo thotë do të thotë gjithçka” dhe është vepra e re fotografike e Spencer Tunick.

Një instilacion me nuancë të qartë politike, pasi realizohet në Cleveland, SHBA, me rastin e konventës kombëtare të republikanëve.

Në imazhe, subjekte shihen duke mbajtur në duar nga një pasqyrë të rrumbullakët. “Për të treguar se gratë janë mishërim i natyrës, i diellit, qiellit dhe tokës”, – lexohet në përshkrimin që vet artisti i bën veprës së tij, duke nënvijëzuar: ‘Duhet të besojmë tek forca, intuita dhe dituria e grave progresiste dhe iluministe’.

Instalacioni ka për qëllim të bëjë të reflektojë kandidatin republikan për Shtëpinë  e Bardhë, Donald Trump lidhur me komentet e tij për ‘seksin e dobët’.