Një mjet i ushtrisë në qendrën tregtare City Park po punon për evakuimin e qytetarëve që janë bllokuar aty. Një video e publikuar nga Syri.net tregon situaten e përmbytjes në katin e 2-të të qendrës, ndërsa brenda saj ndodhen më shumë se 100 persona.
Kati i parë i qendrës tregtare është i përmbytur i tëri dhe është shkëputur edhe energjia elektrike në këtë ndërtesë. Siç shikohet edhe nga pamjet njerëzit janë në ankth dhe presin që të shpëtohen.
Jemi në një situatë të jashtëzakonshme në autostradën Tiranë -Durrës, tha ministri Damian Gjiknuri teksa ishte në Qafën e Kasharit.
“Ka permbytje goxha te madhe per shkak te rreshjeve dhe perqendrimit te madh te ujit. Jane marre te gjitha masat, evakuimet jane bere, situata po ndiqet hap pas hapi. Situata eshte e jashtezakonshme”, u shpreh ai.