Një 18 vjeçar ka rënë në prangat e policisë, si autor të një aksidenti. Ngjarja ka ndodhur në aksin Berat-Fier, “ku shtetasi Syrri Balla duke drejtuar mjetin tip “Fiat Punto” me targa AA 531 JE, i pa pajisur me leje drejtimi, është përplasur me mjetin tip “Fiat Punto”, me targa AA 657 BM që drejtohej nga shtetasi E.P, 23 vjeç, banues në Vlorë”, sqaron policia.
Si pasojë e përplasjes pasagjerët në automjet u dëmtuan lehtë dhe pasi morën mjekim në Spitalin Rajonal Fier u larguan për në banesë. Ndërsa 18 vjeçari, drejtues i automjetit, ndodhet në spital nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Fier për veprat penale “Shkelje e rregullave të qarkullimit rrugor” dhe “Drejtimi i mjetit në mënyrë të parregullt” parashikuar nga Nenet 290 e 291 të Kodit Penal.