Ata thyenin dhe vidhnin makinat

Prej kohësh forcat e Komisariatit të Policisë numër 2 dhe numër 4 ishin vënë në ndjekje të tyre, deri ditën e djeshme, kur ata janë kapur në flagrancë sapo tentonin të vidhnin një “Smart”. Nga automjeti i fundit, ka marrë emrin edhe operacioni i koduar, i cili ka vënë në pranga shtetasit:

– Elidon Vojka, 19 vjeç, banues në Berat.

– Emanuel Gupe, 23 vjeç, banues në Berat, i dënuar më parë për vjedhje me armë.

Gjithashtu, nga bashkëpunimi me Komisariatin e Policisë Nr 4, u është arritur t’u dokumentohet me prova ligjore.

Shtetasi Emanuel Gupe, rezulton person i shpallur në kërkim me shkresën e datës 25.10.2016, nga Drejtoria Vendore e Policisë Berat, për “Vjedhje”.

Materialet procedurale, i kaluan Prokurorisë pranë Gjykatës së shkallës së parë Tiranë, për veprën penale “Vjedhje e kryer në bashkëpunim”.