E themi këtë pasi është publikuar orët e fundit lajmi se lideri i grupit Adam Levine do të bëhet baba. Sipas raportimeve të US Weekly, bashkëshortja e Adam, supermodelja 26-vjeçare e Victoria's Secret, është tashmë 3 ose 4 muajshe shtatzënë me fëmijën e tyre të parë. Një lajm ky i cili ka mrekulluar këngëtarin 36-vjeçar, siç burime të afërta me të konfirmojnë. Në fakt çifti, të cilët lidhën kurorë në korrik të vitit 2014-të, kishin shprehur edhe më parë dëshirën e madhe për të pasur fëmijë. Dhe jo vetëm një, por shumë të tillë. Plot 100 më konkretisht, nëse marrim për bazë intervistën e Adam Levine të dhënë para disa viteve për moderatorin e njohur amerikan Ryan Seacrest!