Ishin ata themeluesit e Forumit Rinor të Partisë Socialiste, por sot janë ndër politikanët më të rëndësishëm në vend. Pandeli Majko, Ilir Meta, Erion Braçe, Monika Kryemadhi, Fatos Nano e Servet Pëllumbi shfaqen në këtë video, 24 vite më të rinj.

Është pikërisht video e krijimit të Forumit Rinor Eurosocialist të mbajtur në Pallatin e Kongreseve çerek Shekulli më parë.

Cfarë tha Majko në themelimin e Forumit Rinor të PS:

“Rinia eurosocialiste qëndron dhe do të qëndrojë, një nga inisiativat, e cila me të drejtë do të njihet në veçanti nga historia e së majtës shqiptare. Ajo ishte sinjali i parë serioz që po tregonte se përballë së djathtës, e majta po vendoste institucionin e saj të së ardhmes”. 

Por përveç takimit formal në Pallatin e Kongreseve, të “rinjtë” socialistë janë filmuar duke festuar themelimin e kësaj strukture të re në partinë e tyre.