Ai është një ndër reperat “Old School” më të suksesshëm dhe sigurisht,  2PO2 nuk e ka ndërmend të heqë dorë nga muzika. E kemi parë shpesh në bashkëpunime me këngëtarë të njohur si Flor Mumajesi dhe nipi i tij Capital T, por këtë herë Besnik Canolli ka menduar të na sjellë një këngë “single”. Pas suksesit të “Gone Girl” reperi prishtinali, ka publikuar projektin e tij më të ri “A e din” e cila është kënga e dytë solo nga albumi i tij që pritet të realizohet së shpejti. Tekstin e ka shkruar vetë 2Po2, muzika është punuar nga Mixey Authentic, ndërsa për videoklipin është kujdesur Max Production.