Studentëve që kanë protestuar prej disa ditësh përpara Ministrisë së Arsimit dhe jo vetëm, i janë bashkuar edhe studentë me aftësi të kufizuara. 3 studentë të tillë ishin në studion e emisonit Opinion dhe njëri prej tyre u shpreh se nuk kanë asnjë lehtësi ekonomike për të vazhduar shkollën nga institucionet përkatëse.

Ai quhet Ervin Muha, 24-vjeç, në një familje prej 5 anëtarësh, ku vetëm babai i tij është i punësuar. Muha tha se më këtë gjendje ekonomike që ka familja e tij, është shumë e vështirë për të ndjekur shkollimin.

24-vjeçari deklaroi se është një student me një mesatare të lartë në shkollë, mbi nëntë, ndërsa paguan një milion e gjysmë për studimet.