Në një përpjekje për të rritur lindjet, pjesa italiane e Zvicrës po paraqet një bonus prej 3000 franga për të pasur një fëmijë.

Duke filluar nga viti 2019, kantoni Ticino në Zvicrën jugore, do të ofrojë shpërblim për prindërit e fëmijëve të sapolindur ose të sapoadaptuar. Për të marrë këtë shpërblim, familja nuk duhet të tejkalojë 110 000 franga në vit.

Në Ticino kishte më shumë vdekje, 3230, se sa lindje, 2774, në vitin 2017. Gjithashtu vitin e kaluar Ticino kishte lindshmërinë më të ulët në mesin e 26 kantoneve zvicerane: 7.8 lindje për 1,000 banorë.

Ticino bashkohet me nëntë kantone të tjera zvicerane që tashmë ofrojnë një bonus për njerëzit që kanë fëmijë. Në Luzern, Zvicrën Qendrore, Schwyz dhe Uri, si dhe në Fribourg, Jura dhe Neuchâtel – prindërit marrin CHF 1.000-CHF 1.500. Shkalla është deri në 3.000 franga në Gjenevë, Valais dhe Vaud.

Sidoqoftë, shpenzimet për fëmijët janë shumë të shtrenjta. Përkujdesja ditore private, për shembull, mund të jetë nga 60 deri në 150 në ditë, në qytete si Bernë dhe Cyrih.

Por, ligji federal parashikon se fëmijët nën moshën 16-vjeç duhet të marrin 200 franga dhe 250 franga për moshën 16-25 vjeçare, përveç nëse fëmijët vetë fitojnë mbi 28.200 franga një vit.