Gjatë orëve të fundit, Policia e Shtetit ka zhvilluar një operacion masiv kundër kultivimit të bimëve narkotike në të gjithë territorin e vendit. Aksioni është shtrirë në Memaliaj, Shkodër, Lezhë e Kukës, ku u asgjesuan 38567 bimë kanabisi.
Memaliaj
Në Memaliaj u asgjesuan plot 18 200 bimë cannabis sattiva. Operacioni u zhvillua nga Stacioni i Policisë Memaliaj dhe Forcat e FNSH -së. Policia po punon për identifikimin dhe kapjen e autorëve.
Shkodër
Policia e Shkodrës ka bërë të mundur asgjësimin e 15752 bimë narkotike të kultivuara në 70 parcela. Edhe në këtë qytet uniformat blu nuk kanë mundur që të identifikojnë dhe të kapin autorët e kultivimit të bimëve narkotike.
Lezhë
21 parcela me cannabis sativa në qarkun e Lezhës. Edhe në këtë qark bimët narkotike janë mbjellë në tokë pa pronar, ndaj uniformat blu nuk kanë arritur të identifikojnë autorët e kultivimit.
Kukës dhe Tropojë
Në Kukës dhe Tropojë janë asgjësuar 3115 rrënjë bimë narkotike kanabis sativa. Ashtu si në qytetet e tjera edhe në këtë zonë policia nuk ka mundur të vendosë asnjë person në pranga, ndaj po punon për identifikimin e tyre.