Ju ndoshta po shpenzoni mjaft kohë në rregullimin dhe formësimin e thonjve tuaj, madje i kushtoni kujdes edhe ngjyrosjes së tyre me dizajne dhe ngjyra të lloj-llojshme, por duke e bërë këtë gjë, ju ndoshta nuk jeni duke i analizuar ata për një kohë më të gjatë, shumë njolla shenja dhe çarje të thonjve mund të jenë shenja direkte të ndonjë simptome domethënëse që ndikojnë në shëndetitin tuaj.
Edhe pse asgjë nuk e zëvendëson vizitën tek mjeku juaj për t’ju treguar saktësisht problemin, ju mund t’i diagnostifikoni edhe vet disa nga anomalitë që gjenden në thonj.
Thonjtë e zbehtë
Zbehja e thonjve është një simptomë se ju nuk keni sasi të mjaftueshme të gjakut në organizëm, përkatësisht, vuani nga anemia.
Anemia rezulton nga nivele të ulëta të hekurit që mund të rezultojnë në oksigjen të pamjaftueshëm në gjak, e cila pastaj shkakton zbehjen e indeve dhe të lëkurë sidomos indet që gjenden nën thonj. Sigurohuni që të konsumoni sa më shumë në ushqime që përmbajnë hekur por gjithashtu pasurojeni ushqimin me shumë perime me gjethe jeshile, fasule, dhe mish të kuq.
Thonjtë e zbehtë mund të jenë gjithashtu shenjë e sëmundjeve të mëlçisë apo të diabetit të hershëm, simptomat e të cilave reflektohen në rrjedhjen e dëmtuar e gjakut.
Thonjtë e verdhë
Ngjyra e verdhë e thonjve përveç që nuk duket bukur ajo ju bënë të ndjeheni edhe pa vetbesim. Thonjtë e verdhë janë simptoma indirekte të infeksioneve të ndryshme me të cilat ka gjasë të jetë duke u përballur trupi juaj.
Thonj të hollë që thyhen lehtë
Thyerja e lehtë e thonjve si dhe hollimi i tyre janë shenjë e problemeve me tiroide.
Gjëndra tiroide ndihmon në rregullimin e hormoneve që ndihmojnë në funksionimin normal të metabolizmit. Simptomat më të shpeshta reflektohen në humbjen e flokëve, në problemet me thonj duke i bërë ata të hollë, të brishtë dhe që rriten ngadalë.
Mos i anashkaloni këto simptoma.
Me një analizë të thjeshtë të gjakut ju mund t’i detektoni problemet me gjëndrën tiroide dhe t’i trajtoni ato me medikamente.
Vijat e bardha
Vijat e bardha në thonj janë më të shpeshtat dhe më të zakonshmet që na rastis t;I shohim këto vija indikojnë në ndonjë sëmundje të mëlçisë, veshkave, anomali të ndryshme apo probleme me proteinat dhe ushqime tjera.
Rregulloni mënyrën e të ushqyerit që të eliminoni këtë problem.
Pikat e bardha në thonj
Një nga shkaqet më të zakonshme për këto pika të bardha, të cilat shfaqen si në thonjtë e duarve ashtu edhe në të këmbës, është një gjendje e quajtur leukonychia.
Emri duket shqetësues por kjo gjendje në fakt nuk është e tillë. Edhe pse shumë njerëz mendojnë se këto pika shfaqen si pasojë e mungesës së zinkut ose kalciumit, kjo nuk është e vërtetë.
Ato shfaqen pas dëmtimeve të vogla që pësojnë thonjtë tuaj si pasojë e goditjeve ose e ndonjë shkaku tjetër.
20 Dec 2024 
