Sipas statistikave, një intervistues merr vendim të punësojë një kandidat në 30 sekondat e para të bisedës së tyre.

Ata mund të vlerësojnë mënyrat dhe paraqitjen e punonjësit të mundshëm në një periudhë kaq të shkurtër kohore. Kjo do të thotë veshja luan një rol vendimtar në këtë situatë.

Bright Side vendosi ti tregojë veshjet më të mira për një intervistë pune:

Ngjyra e rrobave tuaja ndikon në mënyrën se si ju perceptojnë të tjerët:

Faqja më e madhe e karrierës, CareerBuilder, bëri një studim midis intervistuesve për të zbuluar se si ata perceptojnë ngjyrën e rrobave që punonjësit e mundshëm zgjedhin për një intervistë pune. Doli që gri është e lidhur me profesionalizëm dhe logjikë. Njerëzit që mbanin rroba të bardha, shiheshin si më të organizuar, ndërsa e zeza shoqërohej me udhëheqje. Ngjyrat vjollcë dhe jeshile bënë që intervistuesit të perceptojnë kandidatët si më të sigurt dhe krijues. Portokalli u konsiderua ngjyra më “joprofesionale”. Intervistuesit gjithashtu lodhen shpejt nga e kuqja dhe e verdha. Blu mori vlerësime të mira.

Rrobat që janë shumë të ndritshme mund të shihen si paralajmërim:

Rrobat që janë shumë të ndritshme dhe ekstravagante mund të tregojnë një dëshirë për të tërhequr vëmendje me çdo kusht dhe kjo mund të ketë një efekt negativ në mendimin e intervistuesit. Ata mund të fillojnë të kenë dyshime për personalitetin e vërtetë të një kandidati. Menaxherët e punësimit këshillojnë të theksojnë karakteristikat tuaja më të mira me pajisje të pazakonta si karficë zbukurimi, orë, ose syze interesante. Por mos e teproni! Është më mirë të mos tërhiqni vëmendjen për më shumë se dy pjesë të trupit menjëherë. Dhe mos harroni për një ndjenjë stili dhe shije të mirë. Për shembull, të vishni syze dielli në ballë konsiderohet si një sjellje jo e mirë.

Një punëdhënës mund t’ju refuzojë menjëherë në kokën e tyre, nëse ata mendojnë se nuk do të përshtateni:

Para se të shkoni në intervistën tuaj të punës, provoni të kuptoni nëse ekziston një kod veshjeje dhe si punonjësit e kompanisë zakonisht vishen. Paraqitja juaj duhet të bëjë që intervistuesi të ndjehet sikur i ndani të njëjtat vlera të kompanisë dhe do të jeni në gjendje të përshtateni. Nëse jeni një person krijues si fotograf, muzikant, stilist, aktor ose gazetar, është më mirë të zgjidhni një pamje më të qetë që do të nxjerrë në pah stilin tuaj.

Një intervistues gjithmonë do të vërë re nëse vishni rroba të reja:

Nëse keni blerë një veshje të re posaçërisht për një intervistë pune, është më mirë ta vishni të paktën një herë para se të shkoni në intervistë. Në këtë mënyrë do të jeni në gjendje të kuptoni nëse ndiheni të qetë duke veshur këto rroba dhe të vini re ndonjë të metë të mundshme. Përndryshe, veshja e këtyre rrobave krejt të reja mund të kthehet në një katastrofë. Ju mund të keni harruar të hiqni fijet e tepërta ose të hiqni etiketat.

Kur nuk ndiheni rehat në rrobat tuaja, një rekrutues do të jetë në gjendje ta kuptojë atë:

Mos zgjidhni rroba shumë të ngushta ose shumë të gjera. Kushtojini vëmendje rrobave që nuk rrudhen shumë. Sipas statistikave, ky problem me rrobat ndikon më shumë në vetëvlerësimin tonë. Mos zgjidhni një stilim flokësh ose grim që nuk do të vishnit në jetën tuaj të përditshme. Edhe nëse kjo këshillë bie ndesh me diçka që përmendëm në pikat e mëparshme, rehatia juaj duhet të jetë përparësi. Nëse ndiheni si vetvetja, do t’ju ndihmojë të hapeni gjatë një interviste.