Sipas ekspertit Christie Hartman, pas disa eksperiencave, thuhet se në fund mund të qëllojë personi i duhur për gjithësecilin. Ai na ka dhënë disa udhëzime që do na ndihmojnë për të gjetur dikë, edhe pse nga dështimet e dikurshme jemi bërë pesimistë.

 

Të gjesh dikë nëpërmjet internetit, kohët e fundit duket si  mënyra më e shpejtë për të njohur dikë. Sipas Hartman, mund të kontrollojmë miqtë e miqve tanë, pasi mund të gjejmë dikë të ngjashëm me ne.

 

Sipas ekspertes, Suzanne Lachmann duhet të harrojmë ato cilësi që kemi të ngulitur në kokë për dikë. Ne kemi dikë idhull, që e pëlqejmë shumë  dhe inspirohemi  për të pëlqyer partnerin tonë  të ardhshëm. Prtishmëritë tona, mund të jenë të mëdha, por duhet të qendrojmë me këmbë në tokë, pasi mund të humbasim edhe personin që ndoshta do ishte një rast i mirë.

 

Shpeshherë, na ndodh që duhet të shkojmë diku, jo nga dëshira jonë.  Për të gjetur dikë të përshtatshëm me tipin tonë, duhet të shkojmë dhe të bëjmë ato aktivitete që vërtet ndihemi vetja jonë. Të provojmë  ta kalojmë kohën e lirë në  klube, koncerte etj derisa të kuptojmë ku ndihemi më mirë. Me shumë siguri aty do gjendet dikush që ndan të njëjtat shije. 

 

Nëse shoqëria, na fton për të dalë dhe në nuk jemi në humorin e duhur për të dalë, mos refuzoni, pasi nuk i dihet se si mund të shkojë mbrëmja, apo ndonjë aktivitet. Në vendin që nuk na e  pret mendja, mund të gjejmë partnerin e ardhshëm. Kot nuk thonë, që kur i bën gjërat pa plan të del më mirë.

 

Nëse nuk kemi marrë asnjë reagim  deri më tani, bëjmë mirë të mos tregohemi shumë të rreptë me preferencat tona, pasi mund të mbetemi pa gjë. Prandaj ekspertët na këshillojmë të jemi më tolerant dhe të japim më shumë mundësi.