Sigurisht që ndarja nga i dashuri është diçka e vështirë, por akoma më e vështirë është të mbledhësh veten pas saj . Por si mund të ecësh përpara kur jeta vazhdon të të përplasë me të shkuarën? Ne kemi gjetur disa mënyra se si ta kaloni më shpejt këtë fazë të shëmtuar, tashmë që ndodhemi në moshën e Instagramit. Nëse këto nuk funksionojnë, atëherë ju sugjerojmë t'i gjeni një cep në koshin e mbeturinave smartphone-it tuaj! 

 

 

 

Kur lotët ju vijnë natyrshëm, është koha që të djersisni. Nuk ka asgjë më qetësuese se një vrap i shpejtë, nën shoqërinë e ipod-it tuaj, veçse kujdes mos ju bie rruga nga shtëpia e ish-it tuaj. Këngë si ato të albumit "Confident" të Demi Lovato-s do të ishin perfekte. 

 

 

 

Pas një ndarjeje është e kuptueshme që të keni inate përbrenda. Ndoshta nuk mund t'i bërtisni në fytyrë atij, por shumë mirë mund ta bëni këtë gjë në ndonjë koncert apo festë me muzikë të lartë. Nëse këto të fundit nuk i preferoni, makina juaj gjatë një trafiku të çmendur, mbetet gjithmonë një alternativë rezervë. 

 

 

 

Edhe nëse tipi juaj nuk ua lejon të ktheheni krejt papritur në një Martha Stewart, të pastruarit të dollapit dhe sendeve tuaja, ndihmon shumë. Me këtë rast i tregoni të afërmve se nuk jeni edhe aq dembele, sa ata mendonin. 

 

 

 

Të degjosh veten teksa thua me zë të lartë se dëshiron të ecësh përpara, në fakt e përshpejton këtë proçes. Padyshim që terapistët kushtojnë, por shumë mirë mund të shfrytëzoni një mikeshën apo mikun tuaj për të shkëmbyer një bisedë. 

 

 

 

Mund të duket klishe, por të postuarit foto të bukura në Instagram ndihmon. Nuk po ju themi të realizoni një set fotografik profesional, post-ndarje, por mundohuni që të postoni gjëra sa më pozitive. Askush nuk ka qejf t'iu shohë duke qarë, përvëç atyre që nuk ditën t'iu vlerësonin sa ju kishin. Mos ua jepni këtë kënaqësi, sforcojeni buzëqeshjen derisa ajo t'iu vijë natyrshëm!