Ndodh që arsyeja që lidhja përfundon, jeni vet ju, me sjelljen që bëni. Ja çfarë e shkakton:

 

Nëse e analizoni më shumë lidhjen tuaj, me siguri do gjeni diçka që do ju bëjë të dyshoni. Mendimet negative, se kjo lidhje është e destinuar të përfundojë do bëjë që ju vet ta ushqeni veten tuaj me idenë se do ndaheni së shpejti. Mendoni pozitivisht!

 

E dini të gjithë, që gënjeshtra i ka këmbët e shkurtra, prandaj sado e parëndësishme të jetë mos e thoni. Edhe pse nuk i kushtoni rëndësi, një gënjeshtre të vogël, në një lidhje po u thye njëherë besimi, nuk do bëhen më gjërat si më parë. Po u thye besimi në një lidhje, ka mundësi që ajo të shkojë drejt ndarjes.

 

Komunikimi është çelësi i një lidhjeje të shëndetshme dhe të lumtur. Nëse ai mungon, lidhja juaj mund të rrezikohet. Duhet të jeni të hapur në shprehjen e ndjenjave tuaja të sinqerta ndaj partnerit.

 

Të gjithë keni një të shkuar të mirë, apo te keqë, por ta risillni te lidhja e momentit do e dëmtojë atë. Nëse hapni çështjet e së kaluarës, do e bëni partnerin të dyshojë për ndjenjat tuaja të tanishme.

 

Një shprehje thotë: Nëse nuk doni veten tuaj, mos prisni t’ju duan të tjerët. Nëse nuk besoni te vetja juaj, kjo do reflektojë te partneri, i cili mund të ndryshojë mendimin që ka ndaj jush. Tregoni vetbesim dhe jini krenarë për  veten tuaj!