Mbi 50 pedagogë të universitetit të shkencave sociale i janë bashkuar studentëve dhe kanë firmosur një dokument të shkurtër ku i kërkohet qeverisë shfuqizimi i ligjit të arsimit të lartë. Në listën bien në sy dhe emrat e profesoreshave të njohura si socialiste dhe i bashkëshortes së ish Ministrit të Brendshëm Saimir Tahiri.

“Ne, pedagogë të fakultetit të Shkencave Sociale shprehim publikisht mbështetjen tonë për protestën e studentëve e cila shpreh nevojën për ndryshime thelbësore në arsimin e lartë. Në këtë kuadër, kërkojmë nga institucionet përkatëse abrogomin e ligjit të arsimit të lartë dhe kërkimit shkencor në Institucionet e Arsimit të lartë në Republikën e Shqipërisë, si shkakun themeltar të probleme aktuale në universitet publike shqiptare. FSHS e mban këtë qëndrim në koherencë me qëndrimet e mëparshme zyrtare gjatë kohës së diskutimit të projektligjit. Gjithashtu, ne theksojmë nevojën për rihapjen e diskutimit gjithëpërfshirës për modelin e universiteteve publike në Shqipëri.” shkruhet në deklaratën e profesorëve.