Disa fëmijë duan të bëhen astronautë, zjarrfikës, doktorë apo policë kur të rriten, por një vajzë e vogël ka vendosur që të kërkojë punë  në një nga kompanitë më të mëdha të teknologjisë në botë. Kloe Bridgewater, 7 vjeç, i dërgoi Google një letër të shkruar me dorë duke vënë në dukje aftësitë e saj kompjuterike. Ajo shprehu në kërkesën e saj interesin për të punuar në një vend që ofron karrige,  dhe ambjente të bukura e mjaft interesante për punonjësit e saj. Bosi i kësaj kompanie, Sundar Pichai, u përgjigj duke i thënë Chloe se ai e mori 'kërkesën e saj të punës.  Ai e inkurajoi vajzën e vogël  që të ndjeki ëndrrat e saj, ndërsa tha se prêt që ajo të aplikojë për punë te kjo komani, pasi të ketë përfunduar shkollën. Kloe e cila jeton në Herford në Angli u frymëzua për të shkruar letrën, pasi kishte parë imazhet e zyrave të Google, që tregonin një vend të qetë dhe punonjës të gëzuar. Letra orgjinale e shkruar nga 7-vjeçarja është bërë publike në media nga babai i saj Andy Bridgewater. Andy ndau letrën duke deklaruar se ajo kishte një ndikim të madh për vajzën e tij e cila kishte humbur besimin pasi dy vjet më parë kishte pësuar aksident, duke u përplasur nga një makinë.  Megjithatë duket se përgjigjia e nënshkruar nga bosi i kompanisë e ka kënaqur vajzën dhe familjen e saj.