Me hite si “Merre Zemrën Tem” apo “Eja Eja” ai ka mundur që të bëjë për vete jo vetëm miliona shikues në YouTube, por edhe zemrat e shumë fansave, të cilët nuk mungojnë në rrjetet sociale apo faqen zyrtare online të artistit, ku janë vazhdimisht aktivë me komentet e tyre. Së fundmi fotot e publikuara nga ai në rrjetet sociale e shfaqin shpesh në studio duke punuar, çka të bën të mendosh se hiti i ri është rrugës.

Megjithatë, muzika e Butrintit nuk është gjithçka që shfaqet në fotot e postuara në Instagram. Nëse kishte diçka që natyrisht nuk mund të mungonte ajo është...fytyra e tij. Ose më mirë të themi versione të ndryshme të saj. Duket se artisti i ri argëtohet duke postuar mimika të ndryshme, ku të fundit në radhe e pamë dje. Duke gjykuar nga komentet, nuk kemi gjetur ende një shprehi të tij që fansat të mos e pëlqejnë. Por fundja, mund të jenë thjesht të trullosura nga këngët e Butrintit.