8 Marsi ne bote ndryshon shume me ate ne Shqiperi. Në shumë shtete grate kanë vendosur të rikthehen në origjinën e festës të protestojnë dhe të hidhen në grevë urie për 24 orë. Gratë italiane protestojnë sot kundër çdo forme dhune; dhunës në familje, dhunës raciste, dhunës seksiste, dhunës homofobike, dhunës së shfrytëzimit në punë. Në Itali greva e përgjithshme e grave ka përfshirë kryesisht sektorin e transportit, arsimit e shëndetësisë.

Protesta quhet “Lufta e Marsit” e promovuar në kuadrin  e një lëvizje globale e të gjitha grave në rreth 40 vende të botës. Në SHBA kjo e mërkurë ka sloganin“ Dita per gruan”. Veshur me të kuqe protestueset do të përçojnë mesazhin e dashurisë dhe sakrificës.Mediat amerikane shkruajnë se një protestë e tillë i drejtohet edhe presidentit Trump duke kritikuar qëndrimet dhe komentet që ai ka bërë ndaj grave. Në Indi, protesta u mbajt për të rritur vëmendjen për dhunën ndaj grave, pasi numri i përdhunimeve dhe vrasjeve të tyre në vend është rritur ndjeshëm vitet e fundit.