Kthehen në vëmendjen e mediave ndërkombëtare xhihadistët në Ballkan. Gazeta gjermane “Frankfurter Allgemeine Zeitung” në një shkrim me titullin “Xhihad vajtje - ardhje” i kushton vëmendje frikës nga kthimi i luftëtarëve që kanë shkuar të luftojnë për të ashtuquajturin “Shteti Islamik” në vendet e Ballkanit.
Prej vitesh shtohen në Ballkan tendencat që e bëjnë të dukshëm kthimin e islamit tradicional, shkruan gazeta. Sipas saj një shenjë për këtë janë xhamitë jashtë ndikimit të bashkësisë fetare myslimane, ku predikohet një islam radikal duke shtuar se disa nga këto shërbejnë edhe si qendra rekrutimi për luftëtarët e IS-it dhe femrat, nuset e luftëtarëve që i bashkohen ‘Shtetit Islamik’. Kur vetë vendet perëndimore me institucione efektive zor se e dinë se çfarë ndodh në xhamitë e tyre, atëherë kjo vlen më shumë për vendet e Ballkanit me administratë të dobët.
Gazeta gejrmane ngre dhe një pyetje kur thotë po pas burgut ç’ndodh me xhihadistët?
Ata pas daljes nga burgu bëjnë thirrje për të vrarë myslimanët e moderuar dhe myftinjtë e tillë para grave dhe fëmijëve të tyre. “Paralajmërime të tilla shqetësojnë autoritetet pasi një pjesë e xhihadistëve është kthyer në vendet e Ballkanit, shkruan FAZ.