Kryeministri Rama ka shuar çdo dyshim për betimin e Presidentit. Rama tha se ai do të jetë në sallë të Kuvendit më 24 korrik kur Meta të betohet President.
“Ne e votuam atë si President dhe nuk ka arsye që unë të mos jem aty. Do të jemi të gjithë pasi ne kemi respekt për institucionin e Presidentit.
Të tjerat që s’do jemi e s’do bëjmë janë folklor. Presidenti është konsensual. Shpresoj që ai ta gjejë sërish dashurinë dhe qetësinë”, tha Rama në “Top Story” me Sokol Ballën.