![A do të rikthehen Spirit Voice? Surprizon përgjigjia e ish anëtares së grupit, Dorina Tiko [VIDEO]](https://cms.intv.al/media/k2/items/cache/cc0081cfb052fca3dd921aa731715a17_L.jpg "A do të rikthehen Spirit Voice? Surprizon përgjigjia e ish anëtares së grupit, Dorina Tiko [VIDEO]")
Spirit Voice është grupi i vetëm i femrave që secili prej jush e mban mend në periudhën e adoleshencës.
Shumë këngë të treshes së vajzave; Soni Malaj, Elia Zaharia dhe Dorina Tiko, ktheheshin në refrenin e preferuar për tu kënduar.
Por edhe tani, pasi kanë kaluar shumë vite dhe grupi është ndarë, fansat ende mbajnë shpresa për një rikthim të tyre.
E pyetur nga mikrofoni i IN Tv se çfarë duhet të bëjë publiku që grupi të rikthehet, Soni ëshë përgjigjur: “Që të rikthehen Spirit Voice, së pari duhet ti nxjerrim vizën Dorinës që jeton në Amerikë, Elia nuk duhet të ishte martuar me princin që të mos kishte titullin "Princeshë", ndërsa unë dhe Keli jemi në disponim".
Por përgjigja e Dorinës më pas i ka surprizuar të gjithë.
“Dorina e Spirit Voice nga shumë shumë larg po bën tifo për Soni Malaj që ta fitojë Këngën Magjike 2016, po kënaqem dhe lumturohem duke ndjekur Elia Zaharia Zogu që ka qënë e përsosur në prezantimin e Këngës Magjike së bashku me mikun tonë të vjetër Ardit Gjebrea. Për Keli Guga që me koncerte te ndryshme dhe talentin e tij ka krenuar jo vetëm grupin po të gjithë Shqipërinë. Krenohem me ju My Beautiful Friends.
Publiku për ne si grup ka bërë shumë sepse na kanë mbështetur gjithmonë që në fillimet tona dhe tani nuk duhet të bejnë gjë por vetëm duhet të presin dhe Spirit Voice do mundohet t’i kënaqë duke ardhur me një këngë të re!”.
Ka premtuar kështu Dorina, një rikthim të Spirit Voice me një këngë të re.
2 Nov 2024 
