Sipas MeteoAlb, gjatë paradites moti vijon me kthjellime e vranësira të shpeshta. Më të dendura në zonat Lindore dhe pjesërisht në Qendër ku do të ketë shira të përkohshëm. Ndërsa pasditja, zhvendos shirat drejt zonave Lindore, duke lënë pjesën më të madhe të territorit me kthjellime dhe vranësira kalimtare.

Temperaturat e ajrit rriten lehtë në mëngjes, por një rënie të lehtë sjellin orët e mesditës kur pritet maksimumi prej 28 – 29°C.

Era do fryjë mesatare në tokë por deri e fortë në det, me shpejtësi 55 km/h nga Veriperëndimi ndërsa në det vijon dallgëzimi 2 – 3 ballë.