Të gjithë përdorim syze, disa për tu mbrojtur nga dielli, disa për të mbajtur flokët, e disa se mendojnë që iu shkojnë. Mirëpo ndoshta nuk e dinit se kur janë krijuar për herë të parë syzet dhe përse. Anëtarët e fisit Inui, të cilën jetojnë në vendet e ftohta kanë përdorur për herë të parë syzet, por për një arsye ndryshe nga ne sot. Ata i përdornin për t’u mbrojtur nga shkëlqimi verbues i dëborës dhe akullit. Ato nuk ishin me lente, por disa korniza prej druri ose kocka kafshësh, me një çarë të vogël në qendër, të cilat u lejonin njerëzve që të kishin një pamje të kufizuar, por shmangte verbimin nga shkëlqimi i dëborës.