Ja një listë e atyre që kanë provuar burgun sikur edhe për disa orë, sepse koka bën, koka pëson.

E nisim me aktorin Mark Wahlberg, i cili kaloi plot 45 ditë në burg nga dënimi prej tre muajsh në moshën 16-vjeçare, pasi tentoi të vidhte një minimarket.

Robert Downey, Jr., para se të vishte kostumin e Iron Man, kishte bërë disa herë burg për mbajtje lëndësh narkotike nga viti 1996-2001, sipas New York Daily News.

Lil' Kim nga ana tjetër, njësoj si Miller, u dënua me 1 vit burgim më 2005 për tre akuza të rrema dhe një konspirim. Ajo u lëshua një vit më pas.

Aktorja e famshme, Jane Fonda, u arrestua më 190 në aeroportin e Cleveland për kontrabandë droge, por rezultoi se tabletat që mbante me vete ishin thjesht…vitamina.

Lauryn Hill u dënua me tre muaj burg më 2013-ën pasi nuk paguante taksat nga të ardhurat prej 1 milion dollarësh. Sipas CNN, ajo i shleu të tre muajt në një burg në Connecticut.

Arrestimi i Martha Stewart (mike e ngushtë e Snoop Dogg), ishte kaq shokues sa u kthye në legjendë. Ajo u dënua për shitje informacioni konfidencial dhe qëndroi tek burgu i femrave në Alderson, West Virginia më 2004-ën, për pesë muaj.

Paris Hilton, më e llastuara e dinastisë Hilton, kaloi 45 ditë në burg pasi u ndalua nga policia për drejtim automjeti nën efektin e alkoolit në vitin 2007.

Famëkeqja Lindesy Lohan (një mike e Paris Hilton), është arrestuar disa herë, por duke u larguar nga burgu më herët se afati i caktuar, duke nisur nga 84 minuta deri në 2 javë, për arsye droge, alkooli.

Aktori seksi Matthew McConaughey është arrestuar për mbajtje marijuane dhe lëndësh të tjera narkotike më 1999.

Michelle Rodriguez e “Fast and Furios”, ka qënë një çapkëne e vërtetë në të 20-at e saj. Ajo u dënua me 6 muaj burg në 2007-ën pasi shkeli rregullat e qarkullimit rrugor, duke drejtuar automjetin në gjendje të dehur. Kushedi sa shpejt ka ecur!